Shimba工作室——【由午餐開始】Market Play By Uncle Ray

疫情持續,唔少港人都繼續保持警惕,減少出街食飯消費。受到今次疫情影響,本港各行各業都受到重創,被迫面對寒冬。前一排聽身邊一個經營餐飲業嘅朋友抱怨,餐廳自新年開工後,生意一直冷清,令佢嘅經營百上加斤。聽完朋友吐苦水,再留意到市面上不時有餐廳倒閉嘅情況出現,令人不得不思量如今到底有咩良策可以幫到本港餐飲業渡過寒冬。好在最近大家開始結束 home office,恢復回到辦公室辦工,令到喺工商地區嘅餐廳於午市時段都熱鬧返唔少。尋日午飯時段去九龍灣,見到多間餐廳生意都有所回升。無論堂食還是外賣,希望食肆嘅生意可以由午市開始帶起!

講開九龍灣,除咗大家熟識嘅大型購物中心 Mega Box 同埋經常舉辦國際展覽及演唱會嘅九龍灣 E-MAX 外,其實該區新型甲級商業大廈林立,不少政府機關及誇國企業亦都喺九龍灣設立辦事處,令該區儼如香港另一個商業重區。趁大家開始返回辦公室工作,有餐廳便推出既豐富又經濟實惠嘅套餐來吸引客人。以九龍灣 E-MAX 三樓嘅豐膳餐廳為例,推出嘅 Fusion 半自助餐,午餐每位$88,晚餐每位$188,就品嚐到一款主菜同任食海鮮冷盤、沙律、餐湯及甜品。有興趣嘅朋友唔好錯過喇!

hd