Shimba工作室——【自願醫保可扣税】Market Play By Uncle Ray

        所謂「小病是福」,對於頭暈身㷫這些「小事」,上班族嘅公司醫療福利或可勉強應付,但萬一不幸遇上大病,要做手術或住院,公司醫療保障能幫到嘅就有限了。況且喺失業率攀升嘅陰霾下,打工仔要認真衡量一下在工作真空期間的保障是否足夠!最近同一位剛轉做 SLASH 一族嘅年輕自僱朋友傾開,面對失去公司醫療保障嘅佢話,正在積極研究政府於上年推出嘅自願醫保計劃。

原來自願醫保認可產品具備多項目前市面上的個人醫保未必具備的特點,例如不設終身保障限額及年滿八歲或以後出現或確診的先天性疾病亦會受保。市民除咗可選擇按自願醫保的最低要求而提供嘅標準計劃外,亦可因應自己嘅需求和能力購買較合適嘅計劃來尋求更大保障,甚為靈活。另一吸引之處就係自願醫保計劃設有扣稅安排,納稅人為自己或稅務條例所列嘅指明親屬購買自願醫保計劃認可產品,可就合資格保費申請扣稅。每個課稅年度每名受保人嘅最高保費扣除額為$8,000 港元,而且可申請稅務扣除嘅保單數量及受保人人數均不設上限。若果在上年 3 月 31 日或之前已有個人償款住院保險保障,而保險公司亦已參加自願醫保計劃,就可獲得一次機會選擇將現有保單轉移至自願醫保計劃認可產品。當然,保單轉移嘅時間可能要取決於你現有保單的續保週期或你的保險公司提供嘅其他安排。有興趣嘅朋友可多加留意!

hd