Shimba工作室——【環保推手】Market Play By Uncle Ray

疫情有開始放緩跡象,大家嘅心情都開朗咗。各國封城、經濟停擺、工廠停工及運輸交通中斷反而帶俾大自然一個喘息嘅機會。空氣中嘅 PM 2.5 少咗、河流清澈咗,更有說連臭氧層都得到修復,足見人類嘅經濟活動對大自然造成嘅傷害,希望今次經濟停擺能加快持續發展綠色未來嘅步伐!

近日因為負責研發重用口罩而得到廣泛報導嘅香港紡織及成衣研發中心(HKRITA),其實喺環保方面貢獻可不少。其研發嘅「G2G舊衣新裳循環系統」更勇奪多個國際性獎項;它是一條迷你生產線,將舊衣循環再造成潔淨可穿的新衣。整個過程毋須用水,無需染色,流程包括由服裝消毒,將布料剪成小塊、開鬆、混合、梳理、紡紗,至編織成衣,均在一個標準 40 呎貨櫃內進行。首個 G2G 系統設於南豐紗廠這個集藝術與文化於一身的活化項目內以拉近與大衆嘅距離。

要鼓勵研發者繼續進行更多創新科研,就必須令佢哋嘅發明得到專利保護,令努力得到保障。今年世界知識產權日主題為「為綠色未來而創新」,知識產權署喺推動綠色科技上擔任住一個重要嘅角色。註冊商標可包含「綠色(Green)」或「生態(Eco)」等字眼,可以方便消費者辨識環保產品。外觀設計亦受到知識產權保護,設計引入環保概念可以減少不必要嘅廢物。文學、音樂、戲劇作品等,可以推動社會各界對環保問題嘅關注,同樣獲得知識產權嘅版權保障。

hd