Shimba工作室——【出版界都要 Digital Marketing】Market Play By Uncle Ray

隨着互聯網嘅高速發展同智能電話嘅普化,數碼廣告面世短短二十餘年,就已經成功攻佔傳統廣告市場。時至今日,數碼廣告早已成為各大小公司市場推廣項目中不可或缺嘅一部份,網路上嘅競爭激烈程度更勝從前。而唔少傳統行業亦利用有趣嘅數碼廣告向年輕新一代宣傳,開拓新市場。本地出版界就係一個成功運用數碼廣告嘅好例子。香港互動市務商會過去曾舉辦第一屆「香港初創數碼廣告企業 X 出版宣傳支援計劃」,成功連接本地數碼廣告界同出版界,創作出多項獨特新穎嘅數碼廣告企劃。相關數碼廣告内容接觸人次超過一千萬,瀏覽量亦超越六百萬,成功宣傳參與嘅新晉作家及其指定著作,同時有效地推廣閲讀文化。

香港互動市務商會喺特區政府「創意香港」贊助下,近期舉辦第二屆支援計劃。支援計劃中十一隊參與嘅數碼廣告企業分別獲最高二十萬港元資助,為其配對嘅新晉作家及指定著作執行一系列數碼廣告活動。《數碼廣告(出版類別)比賽》亦再度舉行,以表揚今屆表現優秀嘅數碼廣告企劃。比賽設有「我最喜愛的數碼廣告(出版類別)」獎項,公眾可以喺 6 月 30 日或之前登入投票網站 https://www.digiad.hk/2nd-public-voting/,選出最喜愛嘅數碼廣告作品。為咗令業界同公眾進一步了解今屆支援計劃下所創作嘅數碼廣告,主辦機構更於「香港書展 2020」場內設置展位,展示各組合喺支援計劃下製作嘅數碼廣告作品。參與新晉作家嘅指定著作亦會同場展出,令更多讀者接觸到作品。對數碼廣告同本地新晉作家有興趣嘅朋友,可以瀏覽相關網站觀看更多詳情!

hd