Shimba工作室——【玩具安全要check真】Market Play By Uncle Ray

近日行經一間玩具店,見到櫥窗上造型幾十年如一嘅小黃鴨,回想起香港六七十年代玩具製造業蓬勃發展嘅盛況。相信香港製造嘅玩具都係唔少上一代港人嘅集體回憶之一。由五十年代起,香港輕工業發展越發蓬勃,其中玩具製造業發展尤其出色,多個本地玩具製造商成功創立自己品牌,打進海外市場。小黃鴨、塑膠玩具槍等一件件印住香港製造嘅玩具除咗陪住上一代港人成長,更令香港成為當時全球最大嘅玩具出口地,享有「玩具王國」嘅美譽!

時至今日,雖然本港絕大部分工廠早就北移,但香港檢測和認證局仍秉持重視玩具安全嘅認真態度,提供範圍廣泛嘅玩具測試服務,涵蓋機械物理測試、電性能測試及化學測試等唔同測試服務,協助產品符合多個安全標準,保證小朋友可以玩得開心又放心!現時超過二十間檢測認證機構獲香港認可處所認可提供玩具及兒童產品測試服務,有興趣嘅朋友可以到 www.hkas.gov.hk 查閱相關名單!

hd