內循環加速中國由世界工廠變身世界市場，今年加入「雙十一」狂歡祭嘅商家比往年更多，優惠去得更盡。除咗 24 小時直播促銷外，更有電商邀請著名歌星表演，令活動儼如一個網上嘉年華會。單以天貓雙十一物流定單量計算，已經超過 22.5 億件，分別相當於整個歐洲及日本約 2 個多月及 3 個多月的包裹量，真嚇人！累計商品成交額更達 4,982 億人民幣，比較去多 26%。除咗一般消費品外，喺網上買車買樓在國內已愈趨普及。
其實除咗購物，不少日常活動都轉到網上舉行，例如網上授課、工作會議、招聘會及展銷會等等！至於唔少人期待已久嘅「香港美酒佳餚巡禮 2020」亦剛剛拉開序幕，仲會去到 12 月 15 日添！今屆美酒佳餚巡禮帶來獨特嘅線上線下體驗，除咗多個週末都有網上大師班，安坐家中就可以欣賞超過 30 場大師指導嘅「美食教煮」及「美酒佳話」直播節目，仲雲集超過 500 間城中餐廳嘅特別優惠，令大家盡情享受期間限定嘅餐單、特調雞尾酒！美食之旅又點止咁少，活動仲有四種特色主題嘅趣味體驗，包括綜合各地知名 Fusion 菜式嘅「時尚華麗‧盛宴」、以景觀取勝嘅「地標景觀‧絕味」、主打有機食材嘅「有機蔬食‧嚐鮮」，同埋匯聚精緻甜點及酒品嘅「特色打卡‧美饌」。識飲識食嘅你，要突破宅生活又點可以錯過呢！
;){kind=link}
;){kind=link}
;){kind=link}
;){kind=link}
;){kind=link}
;){kind=link}