Shimba工作室——【貓 ‧美術館 】Market Play By Uncle Ray

疫情至今,歐洲有唔少博物館宣布暫時停止營運,甚至永久閉館,就連深受各國遊客歡迎嘅阿姆斯特丹梵高博物館亦曾經暫時閉館,改喺 Youtube 及Facebook 專頁上播放 4K 短片及分享多幅梵谷名畫嘅背景資料,讓大家足不出戶都可以遊覽博物館、細味梵高。但對於鍾情欣賞藝術品嘅朋友而言,此舉只可以一解思念之苦,博物館內嘅藝術氣息及氛圍始終難以代替!

        幸好,著名嘅「貓 ‧美術館-CAT ART世界名畫展」展覽繼台北、高雄及日本等地巡迴展出後,正式首度登陸香港!由即日起至 2021 年 1 月 10 日,大家可以到北角匯一至三期商場內親身欣賞一番。這個展覽好玩之處在於將世界名畫全面"喵"化,梵高嘅《吶喊》變成《貓嗚》,更有《猫娜麗莎》、《戴珍珠耳環的少女貓》及將貓咪嘅美態盡現嘅《大宮女貓》等等,創意爆燈之餘亦同時向世界名畫致敬!今次展覽精選日本知名畫家山本修 Shu Yamamoto 其中 61 幅嘅貓畫作複製品及不少栩栩如生嘅貓咪立體造像,配合貓星人神秘嘅性格,將展品分佈於一至三期商場不同位置展出,為遊人帶來驚喜。至於位於二期商場,由山本老師為香港站全新創作嘅《貓星夜》巨型畫作想必是指定打卡位,藝術愛好者及貓奴定必流連忘返!令次展覽除了免費入場外,更設有「躲喵喵有獎遊戲」,完成遊戲即可於場內換領喵咪禮品,有興趣嘅朋友,記得唔好錯過喇!

hd