Shimba工作室——【辦公室空氣質素檢定計劃】Market Play By Uncle Ray

幫到你,幫到你!月頭介紹過 Jetso App Shop 上熱賣嘅空氣淨化機,反應相當熱烈,滿足港人對室內空氣質素嘅追求。除咗家居空氣質素外,辦公室內嘅空氣質素亦不容忽視。辦公室內暗藏邋遢,欠妥善保養嘅冷氣系統會滋生細菌,影印機及其他設備亦會釋出臭氧和懸浮粒子。一旦辦公室通風不良,空氣污染物無法排出,就好容易對同事造成不良影響。上班一族普遍每日喺辦公室逗留超過八個小時,長期逗留喺空氣質素欠佳嘅環境會令同事經常感到疲勞、身體狀況變差直接令工作效率大打折扣。尤其近期大家相繼返回辦公室工作,辦公室內嘅空氣質素問題就顯得更加逼切。



但點樣評估辦公室內嘅空氣質素呢?環境保護署推行嘅「辦公室及公眾場所室內空氣質素檢定計劃」設有「卓越級」及「良好級」兩個級別,以自願及自我規管形式按年進行檢定工作。參加費用全免,但處所/樓宇嘅業主或管理公司須承擔參與計劃所需嘅相關費用。如符合室內空氣質素指標,處所/樓宇嘅業主或管理公司可利用證書簽發機構發出嘅檢定證書,向室內空氣質素資訊中心註冊,從而得到室內空氣質素標籤,並可張貼在當眼地方供公眾參閱,令大家知曉及安心。想了解檢定計劃更多詳情,請瀏覽:https://www.iaq.gov.hk/tc/index.aspx!

hd