Shimba工作室——【慳電慳錢有妙法】Market Play By Uncle Ray

中電今年推出總值超過 8,000 萬港元嘅中電消費券計劃,向合資格人士派發 100 港元消費券。合資格人士除咗有劏房住戶及享有長者電費優惠嘅客戶,仲包括低用電量住宅客戶,間接鼓勵大家節約用電,慳電兼慳錢!政府宣傳節約用電多年,相信大家都有唔同嘅慳電心得。記得熄咗唔用嘅電器或者直接拔掉插頭、出門前要熄燈等等。除咗上述常見嘅慳電方法外,參考產品上嘅能源標籤選購電器就更簡單方便又實用!能源標籤將同一類產品嘅能源效益分為五級,第一級能源標籤表示產品喺市面上能源效益最高,而第五級能源標籤就表示能源效益最低!具能源效益嘅電器可以減少能源消耗,輕鬆節省電量同電費,同時仲可以保護環境添!



能源效益測試喺實驗所內按照一套標準方法及要求進行。不論產品牌子同型號,只要按照相同標準進行測試就能夠比較結果,清楚分辨產品能源效益高低。現時政府強制規定喺本港供應嘅八類產品,即空調機、冷凍器具、慳電膽、洗衣機、抽濕機、電視機、電磁爐同儲水式電熱水器,需貼上能源標籤,標示耗電量、能源效益表現和級別等資料。有興趣嘅朋友,不妨上香港檢測和認證局網站了解更多詳情!

hd