Shimba工作室——【郵票重現三國經典場面】Market Play By Uncle Ray

去年公共圖書館暫停開放,多個出版及文化組織聯合推出「全民抗疫.以讀攻毒」閱讀平台,免費供中小學生閱讀「中國四大名著」及部分經典英文名著。「中國四大名著」即《三國演義》、《水滸傳》、《西遊記》同《紅樓夢》四本古代長篇小說。雖然流傳至今已有數百年歷史,但四本經典名著依然深受大家喜愛,一直都有以四大名著為題材嘅影視、遊戲等唔同藝術創作面世,討論熱度不減。其中《三國演義》以生動鮮明嘅人物刻劃、引人入勝嘅緊張情節,將歷史中三國爭霸嘅場面完美呈現讀者眼中,難怪可以跨越時空嘅界限,成為大人小朋友都鍾意嘅讀物,更成功勾起唔少人對歷史嘅興趣添!



今年香港郵政以著名畫家董培新先生繪畫《三國演義》當中嘅八個家喻戶曉場景作郵票設計,於三月十六日發行「中國古典文學名著—《三國演義》」一套共六枚郵票及兩款郵票小型張。八個經典場景包括桃園結義、煮酒論英雄、千里送嫂、三顧草廬、趙雲救主、空城計、轅門射戟及草船借箭。想從郵票中細賞呢部傳奇之作嘅經典場面,就記得上香港郵政嘅相關網頁了解更多詳情喇!

hd