Shimba工作室——【進軍內地市場有妙法】Market Play By Uncle Ray

月初舉行嘅 13 屆全國人大四次會議中指出,中國去年國內生產總值增長為 2.3%,係全球唯一有正增長嘅主要經濟體;亦同時為今年訂下了 6% 以上嘅增長目標。內地市場發展潛力龐大,單就「粵港澳大灣區」而言,人口估計已經超過七千萬,係世界第四大灣區,商機蓬勃自然吸引不少港商想進軍內地市場。加上中共十九屆五中全會推行「雙循環」策略,以改革創新為根本動力,加快形成以國內大循環為主體、國內國際雙循環相互促進嘅新發展格局。「雙循環」策略與「擴大內需」政策一脈相承,加上降低進口關稅等措施,為香港品牌創造更佳機會進軍內地市場。但若港商喺內地沒有公司或合作夥伴嘅情況下開拓內銷市場,經常會遇到各類難題,包括進口報關、貨品配送、銷售營運、處理繳交稅款、貨款結算等,因而令不少港商望而卻步。



幫緊你幫到你!貿發局成立嘅「香港 ‧設計廊」喺香港及內地設立 40 多個銷售點,遍及北京、上海、廣州等 16 個消費力強嘅內地城市,並在電商平台包括天貓、淘寶和京東商城開店,曾協助眾多香港品牌如 Doughnut 和太興等開拓內地零售市場。去年 10 月更推出「寄售易(ConsignEasy)」服務計劃,一站式協助港商處理進口報關、貨品配送、銷售營運、處理繳交稅款、貨款結算等事項。港商只須於荃灣倉庫交貨,產品成功在內地銷售後,款項會扣除內地增值稅及其他相關費用,直接存入港商喺香港嘅銀行戶口,令中小企可以做到「香港交貨、香港收錢」!想了解更多服務計劃詳情,就要瀏覽貿發局網站喇!


hd