Shimba工作室——【靚住笑住戴住口罩】Market Play By Uncle Ray

        口罩緊要過手機,無戴口罩幾乎唔可以出街,佩戴口罩已經成為全港市民嘅新常態。隨住市面上口罩嘅供應量日漸穩定,市民對口罩嘅要求亦由只關注口罩防疫能力嘅「BFE、PFE、VFE」,轉變到同時追求口罩顏色、圖案等外表。各地口罩製造商為迎合顧客需求,紛紛推出印有唔同卡通圖案、唔同顏色等嘅口罩,今年農歷新年時更見過印滿「福」字嘅紅色醫療口罩,同時兼備喜慶與防疫兩大功用!時至今日,口罩已經變成時尚配件之一,唔同人屋企都會購置唔同顏色、唔同圖案嘅口罩,每日出門時再配合當日衣著穿搭使用。



雖然唔同顏色同圖案嘅口罩可以成為時尚配件,但始終遮住咗大家嘅笑容,難免有少少可惜!好在聽講 Aj 設計咗一系列唔同特色嘅口罩鏈,只要喺口罩上加上一條令人眼前一亮嘅口罩鏈,自然可以透過口罩鏈呈現笑容。口罩鏈一物多用,除咗可以掛上口罩,又可以當頸鏈佩戴,仲可以重複使用,夠晒實用同環保!口罩鏈有多款款式選擇,配搭唔同衣著同口罩都得,輕鬆打造獨一無二嘅時尚感。有興趣嘅朋友,不妨到 Aj 位於中環威靈頓街 39 號地下嘅 Pop-up store 睇下喇!

hd