Shimba工作室——【助中小企起飛】Market Play By Uncle Ray

截止去年年尾,政府統計處指出,香港中小企業數目超過34萬家,為超過120萬人提供就業機會,佔香港私人市場總就業人數嘅百分之四十五,中小企可謂撐起半個香港!而政府對中小企嘅支持亦不遺餘力,當中,有知識產權署為中小企業提供「知識產權管理人員計畫升級版」及「免費知識產權諮詢服務」的支援服務,亦有工業貿易處推出「中小企業市場推廣基金」資助中小企業參開拓海外市場,以及「中小企業信貸保證計劃」為中小企業提供信貸保證。去年疫情期間,政府更推出「D - Biz 遙距營商計劃」,支援一眾中小企採用資訊科技方案繼續營運和開拓遙距業務。喺政府多重支援下,相信本地中小企一定可以繼續茁壯發展!

今年「世界知識產權日」嘅主題係「知識產權和中小企業:把創意推向市場」。中小企嘅優勢在於靈活多變,創意無限。而其中一個可以喺市場上取得成功嘅關鍵,在於將創意轉化為產品同服務嘅過程中,其獨特性能否受到知識產權嘅法律保護,成為企業的無形資產。獲得專利註冊可以確保產品或服務獲得法律保障,從而提升中小企嘅競爭力及社會整體經濟發展。另外,知識產權署近年亦致力優化專利保護制度,以助創科企業於香港研發新技術,並鼓勵企業在港註冊專利。未來知識產權署將會鞏固、發展新引入嘅原授專利服務,積極籌備國際商標註冊制度嘅實施工作,會與內地和澳門相關知識產權部門進一步加強大灣區在知識產權保護、管理和運用方面嘅合作,幫助本港商業及專業服務提供者把握大灣區發展帶來嘅機遇。

hd