Shimba工作室——【留港成為法國甜品大師】Market Play By Uncle Ray

近日經過太子大南街,發現原本布行一帶新開咗好多型格咖啡店。每間咖啡店都各具特色,有啲仲不時用嚟舉辦展覽同講座,一到假日就吸引唔少文青慕名而來,成為區內熱門聚腳地點。想自己間咖啡店可以突圍而出,除咗要吸引到新客,留得住舊客都好重要!杯咖啡固然要沖得靚,店內販賣嘅甜品亦係關鍵因素。有別於行貨甜品,出售自家製甜品夠誠意有特色,仲可以同食客交流整甜品心得,同客人打好關係話咁易!而講到整甜品,最出名嘅梗係法國甜品喇!可惜如今疫情關係,大家未到親身飛到法國學整甜品,實在可惜!

幫到你,幫到你!煤氣烹飪中心與法國廚師會 Institute Culinarie Disciples Escoffier(ICDE)合作,成功將「法國 ICDE 烹飪藝術文憑課程」同「法國 ICDE 糕餅烹飪藝術文憑課程」引入香港,日前為以上兩個課程舉行新一屆招生新聞發佈會,並由香港中華煤氣有限公司策略及創新總監暨商務總監—香港公用業務馮文傑先生(Daniel)揭開序幕。同場邀請到應屆「法國 ICDE 糕餅烹飪藝術文憑課程」嘅星級畢業生梁詠琪 Gigi 到場支持,從旁協助課程導師 Chef Maxime 示範製作巨型甜點藝術品。Gigi 仲分享自己將課堂上學習到嘅知識傳授畀女兒 Sofia,締造咗無數個難忘嘅親子時刻!Gigi 更即場推出為小黃花慈善教育基金籌款而設計嘅限量版慈善朱古力添!想了解更多課程內容,記得瀏覽煤氣烹飪中心嘅網頁喇!


hd