Shimba工作室——【「組裝合成」建築技術助解燃眉之急】Market Play By Uncle Ray

近日疫情回穩,令全港市民都鬆一口氣!回想起去年年初疫情來勢洶洶,除咗要依靠一眾醫護人員去抗疫外,更要與時間競賽去添置檢疫設施等硬件配套。結果政府採用咗創新嘅「組裝合成」建築技術(MiC),成功喺短時間內增建檢疫營舍。竹篙灣檢疫營舍(第一期)700 個檢疫單位就只用咗 73 日便成功興建,短短 6 個月時間內便完成建造大概 1460 個檢疫單位。其實,「組裝合成」建築技術係將室內裝修同安裝屋宇設備等工序預先喺預製工場造好,然後把已完成預製嘅樓房單位組件運送至工地裝嵌。同傳統建築方法相比,「組裝合成」建築技術可以減省三至四成建築時間,同時減低施工環境影響,以及減省達九成建築廢料。全賴創新嘅「組裝合成」建築技術,才可以喺短時間內興建充足檢疫單位,強而有力地支援本港嘅抗疫工作!

「組裝合成」建築技術(MiC)唔止應用喺檢疫單位上,全港最大規模嘅過渡性房屋-元朗錦田江夏圍項目亦同樣採用「組裝合成」建築技術。元朗錦田江夏圍項目由獲政府批核為組裝合成建築法認可承辦商嘅鋁遊家有限公司負責興建,喺 3 月底已正式動工,8 幢 4 層高嘅住宅共提供約 2000 戶,住戶數目高達 6000 人。首批單位將於 2022 年第一季落成入伙,供輪候公屋 3 年或以上嘅低收入家庭或現居於惡劣環境、有迫切需要嘅人士入住,解決基層家庭居住問題上嘅燃眉之急。改善市民居住環境嘅衛生情況,更大大有助疫情防控添!

hd