Shimba工作室——【六項展覽同期舉行】Market Play By Uncle Ray

        上月中順利舉行嘅書展已經落幕,短短七日就錄得超過83萬人次入場,足證市民對闊別年餘嘅大型展覽嘅支持。深受本港市民歡迎嘅香港美食博覽亦接棒登場,每屆香港美食博覽都吸引來自世界各地嘅多間參展商參展,為市民帶來多款環球美食及食材,而參展商在博覽中提供嘅種種優惠更令唔少港人津津樂道!原訂於去年8月13至17日舉行嘅美食博覽,因受疫情影響而被逼延期舉行。終於,第31屆香港美食博覽已於8月12日開始咗喇!

今屆美食博覽連同香港國際美酒展(特別展)、香港國際茶展、家電‧家品‧博覽,以及美與健生活博覽,於8月12日在香港會議展覽中心舉行,共有900家展商參與,而國際現代化中醫藥及健康產品會議亦於8月12至13日同場舉行。美食博覽分為「公眾館」及「尊貴美食區」,「公眾館」內嘅「美食薈萃廊」網羅20多個知名品牌,而「尊貴美食區」就展示來自亞洲及歐美嘅頂級佳餚等。場內設有多個特色展館,其中更有地區展館透過本地代表參展,呈獻當地特色美食,令大眾可以喺旅遊限制撤銷前品嘗到各地佳餚。而今年特別增設嘅香港國際美酒展(特別展)網羅新舊世界葡萄酒、清酒、威士忌及手工啤酒!第12屆香港國際茶展呈獻多款高質特色茶葉及茶具,更設有貴州展館介紹當地名茶。第7屆家電‧家品‧博覽有齊各式各樣嘅家庭電器、廚具、餐具及家庭用品,其中品牌專區「家之選大道」更有40家展商展出多個時尚生活品牌!第5屆美與健生活博覽將展示一系列美妝及適健產品,並設有四大展團,帶來各式各樣健與美嘅相關產品。而國際現代化中醫藥及健康產品會議就為業界提供專業中醫藥資訊。今個暑假想購物消閒,記得留意香港美食博覽喇!

hd