Shimba工作室—— 【「香港郵政服務一百八十周年」紀念郵票即將開售】Market Play By Uncle Ray

唔少朋友都有集郵嘅習慣,睇住收藏喺自己郵票冊內嘅珍貴郵票,當中嘅滿足感實在難以形容!集郵不單只可以陶冶性情咁簡單,更可以成為一種投資!郵票嘅收藏價值取決於其代表嘅歷史意義,一張富有歷史文化背景且受市場追捧嘅郵票更可以錄得幾萬倍以上嘅升幅!以1980年中國郵政發行嘅「金猴」郵票為例,當年僅售$20一版共80枚嘅「金猴」郵票,於2018年3月香港某國際知名郵票拍賣行嘅拍賣價為140萬,價格升幅高達7萬倍,跑贏不知多少投資產品!除咗升值潛力,因紀念特別日子而推出嘅紀念郵票亦廣受歡迎,往往一推出便被搶購一空!



今年適逢香港郵政服務踏入一百八十周年,香港郵政將於8月25日發行以「香港郵政服務一百八十周年」為題嘅紀念郵票及相關集郵品於各郵政局發售(包括首日封、郵票、小全張、套摺及已蓋銷首日封)。一套六枚嘅郵票展現郵政服務百多年來嘅演變,如何緊貼郵務市場發展及適時為市民提供多元化服務。其中2元及2.6元郵票分別描繪舊郵政總局大樓和郵差在唐樓派遞郵件嘅情況;3.4元及3.7元郵票展示郵件處理嘅流程;4.9元及5元郵票則刻畫多項新推出或籌備中嘅智能郵政設施,反映香港郵政與時並進,邁向智能郵政服務新時代。各面值嘅郵票亦用不同圖案符號連繫,寓意香港郵政服務一百八十年來不停革新服務,善用科技來迎合市民不斷轉變嘅需求。想了解更多有關紀念郵票及相關集郵品嘅詳情,請瀏覽郵票策劃及拓展處網頁或使用「郵購網」流動應用程式查閱!

hd