Shimba工作室—— 【紅A品牌故事】Market Play By Uncle Ray

        60年代香港人經歷過制水之苦,試過期間限定每天只供水4小時,巿民全家出動帶齊大大小小水桶上街挑水;到晚上繁忙時間,住喺高層嘅居民大叫「樓下關水喉」之聲不絕於耳。相信這些場面必定係上一輩港人嘅集體回憶。當時一個香港品牌憑藉出產優質塑膠水桶緊貼市民需要,加上大肆宣傳成功搶佔市場。其後推出經典塑膠書喼,一度瘋魔學界。到90年代,這個品牌特別製造了專供政府使用嘅塑膠雞籠來處理家禽,應付突然爆發嘅禽流感。時至今日,佢嘅產品遍布喺全港不同角落,甚至沙灘浮波都係佢嘅出品。呢個咁經典嘅品牌就係一直秉承「香港品牌,香港製造」理念嘅「紅A」嘞!

        最近「紅A」參與香港會展舉行嘅HOFEX國際食品餐飲及酒店設備展,向外界展示出全面升級嘅「一站式智能廚房解決方案」,為有志投身餐飲業嘅朋友度身訂造一系列智能廚房設備,能省卻四出尋找不同設備嘅時間及煩惱,專心創業。至於如何將科技帶入廚房?以智能焗爐為例,大廚可以透過程式,輸入食譜及烹調時間入焗爐設備待用。當大廚休假時,可以利用預先設定嘅程式來烹調菜餚,咁就可以確保菜式唔會因為成份或時間不同而影響質素,保持出品穩定性。透過這個技術,更可以將一些菜式代代相傳,唔怕會失傳。「紅A」亦喺2019年中全面革新「網購平台」,讓大家可以隨時隨地享受購物嘅樂趣及改善生活。

hd