• 2022年1月20日 星期四
  • 16º
  • 73%
  • facebook
  • Weibo
  • RSS

Shimba工作室——【新技術建過渡性房屋】Market Play By Uncle Ray

        無論遊戲規則有無改變,解決本地住房問題必定係重中之中。據一所國際測量師行調查所得,以住宅均價及每平方呎均價計算,香港皆冠絕全球。世邦魏理仕發布嘅「2020全球生活報告」中發現,按全球39個重點城市嘅住宅市場做分析,香港又榮獲「全球房價最高城市」榜首。慕尼黑及新加坡排名二、三,上海、深圳同北京分別為第四、第五、第六位。香港政府除四出覓地外,亦推出稅收辣招、興建房屋等政策,希望能舒解民困。地產發展商亦有所配合,恒基兆業地產集團借出元朗江夏圍土地,用作過渡性房屋項目。



        江夏圍項目係現時全港最大型嘅過渡性房屋項目,總建築面積達到56,012平方米,有8幢4層高嘅住宅建築物及2幢分別為1層及2層高便利設施服務大樓,足足可以讓1,998戶輪候上公屋嘅家庭暫住。過渡性房屋由AluHouse(鋁遊家)利用MiC技術生產而成,第一期嘅過渡性房屋,已由工場運送到香港啦!當中781個單位有望今年12月完成裝嵌,其餘單位預期2022年年尾落成。每個單位設有洗手間、浴室及煮食空間,AluHouse(鋁遊家)採用鋁製材料做室內嘅裝配,例如廚櫃及門窗,簡約之餘又易打理。另外,過渡性房屋設有3款唔同大細,適合不同家庭嘅需要,希望市民唔使住喺劏房等上樓!

hd