力撐港姐着泳裝 薛家燕指審美唔好諗歪

監警會委員余黎青萍日前突然在討論涉及虐兒的情況時,公開批評TVB舉辦的《香港小姐競選》中泳裝環節「個個少布到不得了」,搞到TVB即發聲明,強烈譴責相關言論。事件惹來熱議之外,薛家燕昨日出席活動時,力撐TVB之餘,更反問對方「有冇睇到世界各地嘅選美?」

薛家燕昨日與楊政龍、楊玳詩及林建岳等,出席「香港潮州節」開幕儀式。提到余黎青萍批評港姐的言論,家燕姐即謂選美並不止是看樣貌:「體形都好重要,點show你嘅體形?好似我件衫咁點睇?當然要着泳衣,呢個係觀點同角度嘅問題,人哋審美喺一個正常嘅角度去睇,你就唔好諗歪嗰方面。」

身為電影人的馮德倫亦有在社交網反擊余黎青萍指現時電視、電影涉色情及暴力元素氾濫,影響社會風氣的言論,他寸爆留言:「有電影之前世界沒有虐兒問題嗎?電影從來都反映社會問題,好的電影還會帶出阻嚇作用。」他指香港影視行業現時已非常難做,麻煩對方不要再落井下石。■馮德倫斥將虐兒問題拉到電影上,是落井下石。
■馮德倫斥將虐兒問題拉到電影上,是落井下石。
■每年港姐的泳裝環節是最吸引觀眾。
■每年港姐的泳裝環節是最吸引觀眾。

hd