林敏驄戲言志偉人間蒸發 視帝大熱竟無收TVB通知

林敏驄和《下流上車族》劇中囡囡郭柏妍,以及文凱婷、何晉樂、鄧志堅、關曜儁一起綵排《歡樂滿東華2022》表演項目。視帝大熱林敏驄被問到可會順道拉票,他竟反問:「咩頒獎禮呀,無人通知我,坐低等嗌名?我都係睇報紙先知,我要知遊戲規則先,踢世界盃都要知有冇越位、有冇得換人啦!我問細嘅答唔到,大嘅又擰歪面。(問最大的曾志偉?)人間蒸發埋呀!」

對於好多視帝候選人視阿驄為勁敵,他笑說:「勁咩敵?我拎到民選視帝已好開心,觀眾睇到唔知邊場戲,就話直接頒個獎畀我,我都好開心啦!(通知你參加會不會到場?)隨傳隨到呀?到時先諗。」

問入圍多個獎項的郭柏妍可會想拎獎?她表示想得最佳劇集,更問阿驄可會到場出席,阿驄聞言說:「你代我攞得啦!你攞飽佢!」■郭柏妍與「Daddy」林敏驄唱歌,擔心會失禮對方。
■郭柏妍與「Daddy」林敏驄唱歌,擔心會失禮對方。

hd