任睇No.1
  • 19º
  • 68%
  • 2023年2月3日 星期五

處女作全裸肉搏志偉 讚自己好勇 唔敢取代李佳芯蔡潔上位做女一

蔡潔於TVB台慶劇《法證先鋒5》跟黃宗澤(Bosco)、袁偉豪係「鐵三角」,入行8年首做女一,她形容有夢想成真感覺,尤其在對手Bosco身上獲益良多。重提當年在處女電影《香港仔》中跟「老爺」曾志偉有激烈牀上肉搏戲,她斬釘截鐵話唔會後悔,反而嘉許自己勇於嘗試,「睇返都覺得幾爆㗎」!
採訪:方騫平 攝影:羅安強 髮型:Terrence Chan 化妝:Kineks Ho

蔡潔係《法證》系列迷,最鍾意由黎耀祥、張可頤及胡定欣主演的《法證3》,所以今次成為《法證5》主角既驚且喜,亦從Bosco身上學到嘢,「好似我哋喺居酒屋吹水嗰場戲,佢就加入咗啲生活元素,用魚生比喻屍體嚟講案情,咁就唔會咁沉悶。」另外,造型師特地為蔡潔設計合適妝容及髮型,連網民都大讚她有氣質。被指跟李佳芯(Ali)撞樣,兩人連發展路向都相似,蔡潔強調唔會取代到Ali:「每個人都獨一無二,我都有睇佢啲嘢。」
大露背演出唔錫身

提到最難忘場口,蔡潔表示中段時跟關楚耀有段畸型感情線,阿關用手銬扣住她雙手,並將她「剝光豬」放上解剖枱,用刀仔傷害她,所以她要由頭喊到尾,好有難度。最後她更遷就鏡位大露背演出,感覺好赤祼,而且全日要反手對住大家,好似唔太雅觀,覺得有啲怕醜及唔好意思。

回顧2014年她的電影處女作《香港仔》中,已大膽全裸肉搏曾志偉,問到o依家上咗位,會否比前錫身?她即否認道:「冇上位呀?我打工㗎!其實9年前由澳洲返港好想入行,有機會就試,件事冇乜咁特別,但發覺原來觀眾有唔同嘅睇法,o依家當然明白觀眾用乜眼光去睇嗰件事啦,但我反而覺得自己好勇敢,勇於嘗試,就算睇返都覺得幾爆㗎,咪勁囉!哈……真係要嘉許返畀自己,不過,唔會後悔,由頭選擇我會揀再早啲入行,等自己冇咁易捱殘。」■被反手扣住演出,蔡潔覺得動作不雅,有啲怕醜。
■被反手扣住演出,蔡潔覺得動作不雅,有啲怕醜。
■因為遷就鏡位,導演臨時要求她露背演出。
■因為遷就鏡位,導演臨時要求她露背演出。
■蔡潔同Bosco喺屋酒居談案情戲,加入生活化元素變得更貼地。
■蔡潔同Bosco喺屋酒居談案情戲,加入生活化元素變得更貼地。
■蔡潔處女作《香港仔》中全裸肉搏曾志偉,當年24歲的她相當大膽。
■蔡潔處女作《香港仔》中全裸肉搏曾志偉,當年24歲的她相當大膽。
■蔡潔喺《法證5》中,有專人為她設計最合適造型。
■蔡潔喺《法證5》中,有專人為她設計最合適造型。
■李佳芯喺腦退化短片《伴》中造型,同蔡潔撞樣。
■李佳芯喺腦退化短片《伴》中造型,同蔡潔撞樣。

hd