濕身啜人夫變性感Icon 馮盈盈谷Y形豪乳襲蘭桂坊

        25歲嘅前港姐冠軍馮盈盈,早排同人夫張頴康喺《解決師》中濕身肉搏兼激咀嘅trailer播出後,睇到人嘩嘩聲!搞到當事人都話要跪低向正印醫生男友寶寶認錯口添!但為劇情需要,坦言可以去得好盡嘅盈盈,日前晚上喺中環蘭桂坊再度上演香艷一幕。當晚,盈盈和陳展鵬為劉家豪監製嘅無線新劇《逆天奇案》拍外景,見女方穿上貼身裙谷出33C「Y形胸」,化身夜蒲女,拍打戲時雙峰激盪,小心流鼻血呀!

採訪 : 李權威、方騫平

        去年大熱奪得「飛躍進步女藝員」嘅馮盈盈,近年人氣高企,全因呢位16年港姐冠軍直腸直肚、性情夠真唔造作,又不時喺其主持嘅代表作《#後生仔傾吓偈》中驚爆金句,好得宅男歡心。不過現實中,呢位前港大校花一早封盤,同十優狀元兼醫生男友鍾文浩(Martin寶寶)拍拖幾年,月前更一齊買樓同居。

  形象入屋嘅盈盈,繼《解決師》中火辣啜爆張頴康後,近日再突破戲路,在新劇《逆天奇案》中扮演美艷黑客Ana,造型性感,仲勁多異性埋身口添。日前晚上,盈盈和拍檔陳展鵬現身中環蘭桂坊拍攝外景。當日劇情講述一身夜蒲打扮嘅索女盈盈帶醉截的士,卻被急色外籍男夾上私家車毛手毛腳,好醉嘅盈盈仍奮力掙脫,落車後狂踢賤男下體,同時飾演高級督察嘅陳展鵬man爆現身相救。

  見盈盈着上谷胸裙埋位,舉手投足夾出4吋深溝,極度養眼。性感上陣嘅盈盈拍攝時好放,同外籍男糾纏時雙峰凸出,又狂踢賤男下體,露出打底黑褲。3 take過後,盈盈緊張睇playback,當導演收貨時才識得笑,再與陳展鵬拍埋場對手戲。

唔敢做性感女神

  其後,記者上前採訪,大讚盈盈造型sexy,有胸有腿好索,又被途人猛目及有無尷尬?盈盈笑笑口說:「多謝大家讚我,其實呢個造型都係劇情需要,只要出嚟效果靚,我會豁出去做嘅。(同男友備案?)唔使,男友唔過問。(連番性感演出,係咪想做新一代性感女神?)嘩!唔敢當亦都擔唔起呀!哈哈!對我嚟講性感嘅定義係唔使好暴露,身材要有線條,令人感覺到身材緊緻,好似有少少腹肌啦!我都努力做緊gym㗎!」

hd