讚林保怡係好監製 黃溢濠岑珈其捱窮拍劇

        林保怡除了在ViuTV愛情懸疑新劇《歎息橋》中擔正男主角外,仲處男擔任監製。演員岑珈其及黃溢濠異口同聲大讚呢位「新晉」監製相當專業:「佢會親自現場監督,同我分析角色,感覺啱就做,任我發揮,好舒服。」採訪:方騫平

服裝:VIBEZMART、Levis 化妝及髮型:carmencmakeup_hair

場地:How Food Fatory

        劇中岑珈其演伍詠薇的絕症兒子,所以好細個經已睇得好化,而對手係成年版角色嘅前輩演員林保怡、周家怡及陳奐仁等,因為係羅生門事件,透過每集「焦點角色」嘅主觀角度,往往一場戲演兩、三個版本,作為演員感到好過癮,珈其說;「戲內林保怡係我老闆,戲外佢係好nice嘅監製,我哋會互相爆肚,睇吓對方接唔接得住,好彩過到關。佢成日話太緊張會唔自然,而我留意到,每次埋位前,佢都會用道具手機上網,放鬆心情。」

  至於黃溢濠演中學生,同談善言、陳健朗有糾纏不清的三角關係:「喺前輩身上學會平衡,有創作之餘,要好自然。」提到兩人演過多套高質劇集,如《火速救兵IV》,但收入和知名度卻唔多,岑珈其自言唔失望:「呢個係做演員目標,咪要再努力啲,希望做到有人認識自己為止。其實只要觀眾記得角色,足以證明我有下苦功。」溢濠就話有觀眾認識係bonus,最重要係做好套劇,兩人更強調好愛演戲,唔怕捱更抵夜,收入微薄!珈其好記得拍《火速》,喺冬天演一幕行山被困戲,現場要營造十號風球、橫風橫雨效果,雖然真係凍到癲,但就好刺激,連陪同拍攝嘅職業消防員都大讚他有非一般人可承受嘅耐力。

hd