胡鴻鈞想同蔡思貝齊搵真銀 馬國明提議緋聞CP拍廣告

        馬國明和胡鴻鈞(Hubert)在《降魔的2.0》中再度合作,馬明演的「小馬」有成長外,Hubert亦由勁討好的「石敢當」變成cool爆的「豪仔」,令他有一定壓力。Hubert拍該劇時一度受傷入院,但因失憶未有留下陰影,不過馬明亦提醒他注意安全。至於Hubert被指因蔡思貝而冷落好友許廷鏗,他否認指兩人都是好朋友,更笑指可拿思貝緋聞齊搵真銀,馬明仲建議這對CP拍廣告。

對於「豪仔」角色不及「石敢當」討好,Hubert演繹時都有掙扎,「因我知大家都鍾意『石敢當』,我潛意識都想有番『石敢當』影子,但我又要好理性同自己講今次係『豪仔』嚟。」而馬明就好玩得多,「我比較鍾意做啲down to earth角色,好的角色好好玩又好自在,基本上個妝化得唔好個頭吹得唔好都冇所謂,如果做專業人士你要執到好正出鏡,小馬對我嚟講係個好舒服角色。」

靠緋聞闖出一面天

  該劇拍到尾聲,Hubert拍一場吊威吔戲撞傷頭部入院,現在仍要做物理治療的他,坦承因沒受傷時記憶,還未知有沒有留下陰影,但為免愛錫他的人擔心往後肯定會更小心,「自己年紀開始愈嚟愈大,身手冇咁敏捷,整親都冇以前康復得咁快,萬事安全為上,最緊要唔好令到身邊嘅人擔心,特別係父母。」馬明就話,「我之後都有提醒佢,吊威吔唔可以放鬆個頭,如果佢一路hold住個頭就唔會咁傷,不過呢啲係經驗嚟,要學識保護自己。」

  至於Hubert被指重色輕友,因緋聞女友蔡思貝而冷落許廷鏗,許廷鏗更投訴他不覆短訊,他就解釋對所有朋友都習慣睇心情嚟覆,馬明更幫手解圍,「佢有時都隔一兩日先覆我。」至於跟思貝關係,Hubert再澄清只是好朋友,亦未有受緋聞影響,「大家好open,冇任何嘅尷尬,朋友就係咁,唔會刻意避忌,我哋都係一笑置之,好彩大家仲會討論我哋,我哋有話呢個緋聞情侶關係,可以一齊搵錢。(馬:話唔定有廣告拍O添!)呢對CP可以闖出一面天!」

撰文:杜淑霞 攝影:李維隆 服飾:Have & Have@MYND Store、

Moho@MYND Store(馬國明)、Shirter@MYND Store(胡鴻鈞)

hd