難忍男友拍親熱戲 衛詩雅:我會打死佢㗎!

  衛詩雅、周祉君及李任燊前晚出席電影《熟女愛漫遊》首映禮,擔正做女主角的衛詩雅,表示該片於兩年前拍攝,原定去年上映,但經歷一波三折。

  衛詩雅出席《熟女愛漫遊》首映禮,她表示:「套戲參加沖繩電影節時當地爆發麻疹,去年上映時香港發生社會運動,戲院關門所以要取消,之後就爆發疫症要延期。」衛詩雅透露該片於日本拍攝,片商任由她挑選男主角人選,於是找來唐禹哲,因首部港視劇跟對方合作變成好友。

  衛詩雅說:「唐禹哲在日本多人識,我好多謝他,因為他以好低友情價客串了兩日,我同他有錫嘴戲。」談到戲中的她失戀後去旅行找到真愛,她表示拍完該片後,獨自到台灣玩,遇上同樣學滑浪的北京男生,但沒有興趣。問到可想如好友陳家樂找到另一半,衛詩雅即笑謂:「係咩?佢有另一半咩!我唔知。隨緣啦!最緊要搵個錫自己,但我會揀圈外男生,我接受唔到男友有親熱戲,我會打死佢㗎!我拍就得,佢唔得。」

  周祉君表示戲中扮演居住日本懂得廣東話的台灣留學生,而李任燊飾演來自馬來西亞的宅男天才發明家,大家在鏡頭前後也講不同語言。李任燊大讚周祉君日文叻,每日拍攝後靠對方講日文點餐。


hd