被狗咬唇縫9針 坤哥不打擾Aka養傷

  吳業坤和Super Girls隊長趙慧珊(Aka)曾傳緋聞,伊人日前探訪流浪狗場期間,不幸被狗狗咬傷上唇,她其後在社交網透露,當時急求醫,傷口要縫9針恐怕會留疤破相。坤哥前晚擔任節目表演嘉賓時表示,暫不打擾Aka養傷,並願意向她提供幫助。

  吳業坤前晚為無線慈善節目《明愛暖萬心》擔任表演嘉賓。談到前緋聞女友趙慧珊(Aka)被狗咬傷事件,坤哥表示未有慰問對方,他亦已見到Aka在社交網詳細交代事件,相信她已沒有大礙。

  坤哥說:「如果日後佢有咩嘢要我幫手,我幫到都一定幫。就算依家留1000句言,send 100個message都未必有好大嘅幫助,咁不如畀佢好好休息。」坤哥坦言擔心Aka恐會破相,「不過暫時都幫唔到啲咩,或者我有好好嘅醫生都會介紹畀佢,希望佢盡快康復。」

  另外,坤哥加盟新公司後,前晚是首次上台表演獻唱新歌《原始心態》及李克勤的經典歌曲《大會堂演奏廳》,坤哥又說:「經歷咗七七四十九關嘅歷練,去咗新地方就要重新出發,所以剪咗一頭清爽短髮!」


hd