銀行拎表申請政府派錢 羅霖慳住使買M記返歸

  因為香港疫情爆發第三波,雖然食肆仍然有早午餐堂食提供,但專家一早講咗,可以嘅話就盡量買外賣,喺公眾地方除口罩食嘢風險太大。回春靚媽54歲的羅霖就好聽話,日前見佢喺屋企附近嘅又一城行街,去銀行拎完政府派錢表格就去買M記返屋企慢慢歎。採訪︰譚壹致

  羅霖月初接受訪問,提到當年離婚喊足半年更曾經想自殺,後尾諗到三個仔同父母就打消念頭更重新振作,拍寫真開美容院靠自己養家。不過因為疫情影響,佢話已經六個月冇返內地工作,每月損失6位數,靚媽大呻,「要用積蓄過活,希望盡快開關,雖然朋友話就算開關都唔好咁快去,但我唔理嘞,好過餓死。」

高貴外賣仔

  因為要慳住使,羅霖消磨時間都只係去屋企附近嘅又一城行街,日前下晝就見到佢喺地下嘅Salon整完頭然後向上層進發,先去i.t.,用咗十分鐘就買咗件特價衫,然後再路過滙豐銀行,因為有職員喺門口派緊「回水」表格,佢又過去拎咗份。

  羅霖之後再去萬寧買成藥再去買咗成打麵包,最後行到最上層幫襯M記,見佢講完電話再去落Order,應該係買外賣畀囝囝食,買到成手嘢嘅羅霖再慢慢行返屋企。


hd