恨同祥仔拍《殺手》續集 龔嘉欣感恩疫市仍有Job

  龔嘉欣、黎耀祥、吳業坤與高海寧等,昨日到將軍澳電視城宣傳劇集《殺手》,活動上宣佈第16集七天跨平台總收視達31.3點。問到可會開續集?嘉欣坦言想,更指名要再夥拍祥仔,她說:「最重要是祥哥開聲(開續集)!」祥仔聞言說:「當然要同你拍啦!冇咗你就顯得我太淒涼啦。」劇集出街會帶動接Job,但受疫情影響見財化水,因工作大多延期及取消,嘉欣表示幸得客戶支持,接到網上廣告工作,笑言都可以追上原定的收入,覺得很感恩,而祥仔就笑言不習慣玩社交網,要嘉欣幫忙Sell一下,爭取賺錢機會。

  而坤哥在台上與高海寧齊齊投訴劇中沒有牀戲,問坤哥現場想揀同邊個拍牀上戲?他笑言:「揀唔落手喎,畀龔嘉欣聽到會踢死我!」


hd