陳凱琳疫境誕子 出院留家坐月 50歲鄭嘉穎報喜:細仔面尖鼻高似媽咪

        陳凱琳去年情人節為鄭嘉穎誕下長子鄭承悅(Rafael),今年5月火速宣佈已再度懷孕,上月揭盅亦是佗仔。兩夫妻昨日在社交平台報喜,幼子鄭承亮(Yannick)已於上周一出世,目前母子已回家,在嚴峻疫情下平安生B,陳凱琳坦言坐月會留在家中養好身體!

        現年50歲、上周一再為人父的鄭嘉穎昨日在社交平台公佈幼子Yannick已出世,並上載一家四口全家福、親吻初生幼子等溫馨照片,嘉穎留言道:「弟弟來了,母子平安!感恩感恩!」其後表示:「多謝大家祝福,心情當然開心,母子平安,細仔面尖尖、鼻高高似媽咪多啲,最緊要開開心心、健健康康咁成長。」

坐月盡量唔出街

  陳凱琳昨日分享再做媽咪的喜悅,透露自己和BB已平安回家,第二胎生產很順利,心情愉快,「好開心可以跟大家公佈呢個喜事、好消息,BB係上星期一7月27日出世,目前我同BB已經安全回家,大家So far好融洽、屋企環境同大家相處,Rafael做哥哥都好乖,睇到BB喺度時都好幫手,幫我哋睇吓BB、摸吓BB,大家非常之安慰。同埋今次比起生第一胎比較有心理準備,所以自己心情都唔錯,嘻,總之成件事好順利、好暢順、喜悅。」

  陳凱琳亦希望大家在疫情下平安,「嚟緊都會多休息,希望大家安安全全留在家,盡量都唔會出街,自己坐月呢個月都會在屋企養番好身體,多謝大家關心。」

龔嘉欣:BB好靚仔

  龔嘉欣昨日亦有向好姊妹陳凱琳送上祝福,嘉欣在社交網留言道:「好開心,BB好靚仔、好健康,媽咪好精神、好靚女,真係好戥你開心,Love you。」嘉欣其後透露,已探望陳凱琳母子,見了Yannick第一面,大讚BB可愛,「好健康、好靚仔,真係好開心!」問到BB似爸爸還是媽媽?她更大讚:「有晒兩個嘅完美基因!最緊要係健康啦。」嘉欣已是Rafael的契媽,會否做Yannick的契媽,她表示等BB長大後由他決定。

  另外,楊秀惠早前為老公葉世揚在馬來西亞誕下囡囡「VY」,她昨日在社交平台上載溫馨照慶祝囡囡出生滿100日,她特別以得意雲朵公仔遮掩VY的樣貌。楊秀惠以英文給愛女留言道:「如果我可以給女兒做兩件事,那就是永遠了解她的自我價值和追求夢想的力量的自信……最後也是最重要的是,永遠不要忘記媽媽有多愛你!」


hd