劇中目睹老公出軌 高Ling慶幸現實無發生

  無線劇集《迷惘》昨日舉行宣傳活動,高海寧(高Ling)、楊明、陳曉華、朱敏瀚及黃祥興都有出席。高Ling劇中角色遭遇相當悲慘,她笑指拍劇經歷其他人生已足夠,現實生活還是不要發生較好。

  高Ling主演的三套劇集連續播出,她透露因宣傳關係,近日花費兩萬元置裝。談到可有幫補?她笑說:「無啊!快啲搵我做嘢啦!」談到一連三劇播出,可怕觀眾生厭?高Ling表示:「應該唔會嘅,因為三套劇集人物性格都好唔同。其實我都有年半無劇出街,大家都少見我啦!」談到家人可有生厭,她笑說:「因為我搬咗出去住,媽咪o依家一開電視就見到我,不過冇話睇到厭。」

  日前劇情講述高Ling親眼目睹老公黃祥興出軌。高Ling認為對女士來說是很大打擊,談到現實可有同樣經歷?高Ling笑謂:「從劇集經歷唔同人生就可以啦,現實生活唔好喇!」

  至於陳曉華就透露有追看自己首部參演的劇集,亦有留意網民的評價,當然有好又有壞。問到對哪個負評最為深刻?她笑說:「話我講嘢好快,咁啱o依家拍緊劇,都有刻意糾正咬字同唔好講咁快,幕後都話我有進步。」


hd