新任老竇心情好 羅仲謙拍外景係咁笑

  今年四月,楊怡剖腹誕下B女「小珍珠」,羅仲謙雖然膊頭重咗,但佢好樂意努力搵奶粉錢,捱過第一二波疫情拍完《陀槍師姐2020》,o依家又要捱第三波拍新劇《兒童醫院》。《陀槍》煞科前曾喺銅鑼灣街頭見到羅仲謙同宣萱拍外景,新任爸爸心情好好,鏡頭外係咁笑。採訪︰梁志明

  近日疫情嚴峻,為了小珍珠健康着想,羅氏一家簡單地在家搞百日宴,並透露小珍珠的名字叫羅翊心,英文名叫Hera。小珍珠正面樣終於曝光,同老竇超似樣,難怪謙謙留言話囡囡係佢上一輩嘅情人,仲話「爸爸等你等了36年了。」

靚仔老竇

  講返個探班,當日下晝四點,羅仲謙、宣萱及海俊傑等喺銅鑼灣摩頓臺拍外景,劇情講述羅仲謙俾人拉仲要鎖上手銬,然後宣萱趕到嚟睇住謙謙俾人拉,完。劇情好簡單,試咗兩次位就正式拍,試位等候期間,新任老竇表現好快樂,係咁笑,有時微笑有時大笑,同人傾偈笑得最開心,話咁快拍完,謙謙即戴返口罩趕住返歸湊女。


hd