讀書時期扮「直」最痛苦 小肥出櫃自爆曾想到葡國結婚

  44歲小肥(徐智勇)日前於陳志雲主持的網台節目《Stephen.傾》中出櫃,談到秘密埋藏心底多年,直到2017年製作專輯《睡前服》時,向監製康家俊承諾會公開性取向,但前提要等外界問到先講,他解釋:「我又唔係邊個,自己出嚟講會俾人覺得抽水。」小肥稱曾考慮與拍拖10年的同性密友結婚,最終未能修成正果,現役男友是台灣人,拍拖近1年!

撰文:黎寶倫 攝影:李維隆 髮型:Bowie Lo &Terry @Admix hairstyling 

場地:The Grill Room 鳴謝:[email protected]巧鬆啲

  早於2014年,小肥因於微博關注多位大隻男而遭網民質疑性取向,當時他激動否認:「我唔係基,但唔歧視同性戀。」不過事隔6年,在上周播出的網台節目《Stephen.傾》中,小肥終於承認同志身份!對於過去一直難以啟齒,他坦言最擔心不知怎去面對一班「直Friend」,至於如何向家人交代,小肥笑謂:「屋企人都知知哋,上一個ex同屋企人都好熟,大家都好鍾意見到佢,好開心。(有探口風?)冇,反而有時啲疏堂親戚問我幾時結婚,我以為好多人都知我性取向,但竟然有人問,哈哈!」

  回想過去,由恐懼、討厭自己到28歲確定「某啲嘢」,小肥直言中學、大學時期在朋輩間扮「直」最痛苦,後來透過台灣網站認識同路人,有了傾訴對象才豁然開朗,當時仲識到首任同性密友。小肥自爆去年10月已覓得新歡,對方是由朋友介紹的台灣人,問到對婚姻有否憧憬?小肥說:「上一個已經有諗過,因為我揸葡國護照,嗰時隨口話去葡國結婚,佢又可以入籍,但佢Say no!(藝人身份致分手?)第一任就係,啱啱入行乜都驚,交通工具都唔敢搭,令佢覺得拍拖都唔出得街;同上一個分開就可能係昇華到太親人嘅關係,亦都可能有好多因素,但我哋仍然好Friend。」問到會否視現任為結婚對象?他表示也可以,但需要再相處吓先,又希望疫情快過可跟另一半見面。


hd