新歌獲神秘老公勁讚 楊思琦事業心重想再出寫真

  現年42歲的楊思琦一直獨力撫養女兒楊卓穎,至去年自爆已於年中在美國秘嫁拍拖半年的圈外男友,兩人的愛情結晶品亦於今年2月出世!即使已為兩子之母,思琦在事業上仍有一團火,早前更為香港開電視的外購日劇《夏空》唱主題曲,「神秘老公」聽過都讚Good,她又直言想再出寫真,難道不怕老公詐型?思琦說:「上次都冇介意,仲讚,我哋底線差唔多。」

撰文:黎寶倫 攝影:李維隆 服裝:Per Me 化妝:jessicachan_makeup

髮型:Chris Cheng(IL COLPO) 場地:Lounge Hakuba

  務求交出好作品,思琦今次特意找唱歌老師「補鐘」,更一改以往唱法,用中音演繹新曲《仲夏陽光》,連老公都開金口讚,「佢聽完個Rough版本,話同以前有啲唔同,以往我音頻比較高,今次用唔同聲線演繹好舒服、好有新鮮感,佢真係冇試過讚好聽、好得,所以我都好開心。(平時唔讚?)比較吝嗇讚人囉,希望佢以後自動自覺啦。」除了看過其參演的劇集,思琦老公也欣賞過她前年推出的處女寫真集《Miss Szeki 2018》,她續笑道:「佢喺重要時機都會讚。(打算再出寫真?)要努力Keep番個線條先,我都好想影,趁青春係要留呢啲靚相,將來畀仔女睇。」

  談到生完第二胎最難是修身,至今距離目標尚欠7、8磅,思琦大呻:「好似俾人拉橫咗,要脹爆咁,但囝囝咁可愛係值得嘅!」提起約10個月大的細仔Kody,自言猶如「新手媽」的她即冧指囝囝實淨有力,仲好活潑周圍爬,勁得意,「疫情下多咗同仔女相處嘅時間,係一個好機會去捕捉一啲重要Moment,我日日都同囝囝影好多相,飲奶、瞓覺、自拍,咩都影。(追多個?)唔好喇,個身會爆炸,最重要冇咁多精力。(老公有幫手湊?)都有,但玩多,有餵吓奶。」至於何時公開丈夫身份?她稱待對方Ready先,不久將來吧!


hd