胞弟出事後見到高樓大廈好驚 黎美言偕母睇心理醫生自救

  女子組合HotCha成員黎美言(Winkie)胞弟黎嘉駿(Harry)於10月16日從寓所高處墮下身亡。事隔個多月,Winkie才走出喪弟陰霾,但精神及心理狀態仍未平衡:「o依家好畏懼高樓大廈,就算收到媽咪嘅電話都好驚。」採訪:方騫平

場地:The [email protected]觀塘興業街

  28歲胞弟Harry出事個多月後,黎美言語帶平靜憶述經過,強調永遠忘不了胞弟出事當天情景:「嗰朝準備同男朋友食蛋糕提前慶祝33歲生日,突然接到媽咪來電,電話入面傳嚟媽咪失控嘅尖叫聲,知道細佬墮斃,第一時間返屋企了解情形,同媽咪分開咗嘅爸爸同樣返咗去,我見到父母都好傷心,當刻忍唔住上前錫咗爸爸4啖去安慰佢,同埋理智地安排兩老離開現場,安排媽咪入住酒店。」

  黎美言和媽咪及細佬相依為命多年,Winkie幫手湊大細佬,幫他換尿片,感情一直好好。「頭一個月好崩潰,見到高樓大廈會好驚,喺高處望落去,自然會諗『究竟感覺(墮下)會點?冇咗個最親嘅人,係咪要繼續(生存)落去?』媽咪好驚我會做傻事,我又好驚媽咪會睇唔開,我擔心到晚晚瞓得唔好,好驚電話會響。」Winkie坦言生活節奏亂晒,更要同媽咪睇心理醫生,尋求專業治療。「有至親離世,傷痛係必然,需要好長時間先可以康復。不過,呢件事教曉我學會將過去發生咗嘅事重新賦予定義,更加要關心身邊人,有情緒問題唔好怕羞恥,要去睇醫生。」

  目前Winkie重新振作,專心打理打拳、跳舞及演藝訓練學校,又成立娛樂公司,打算以玩票性質出歌:「除非好紅,娛樂圈唔可以當做一份職業,做人要拎得起放得低,我唱歌又唔係特別好聽。」


hd