牛年望《男排》班底再合作 鄧麗欣想搞香港明星運動會

  鼠年大部份港人過得不順境,但鄧麗欣(Stephy)算是幸運的少數,雖然工作量不多,但推出電影《金都》和劇集《男排女將》成績不俗,最難得達成推廣排球運動,兼跟男友王子(邱勝翊 )煲劇心願。提到牛年願望, Stephy想《男排》班底再合作外,亦希望推出新歌,最想有機會籌辦香港明星運動會。

撰文:杜淑霞 攝影:張詠森 形象:Queenie Yu



髮型:Vince [email protected] COLPO group 服飾:Issey Miyake、Chaumet

  Stephy承認鼠年算不幸中大幸,「年初《金都》有好成績,《男排》大家又好鍾意,得到一啲民間獎項,咁逆境時候有鼓勵同獎項,係好大意義,所以好感恩,自己算好好彩。」她最開心《男排》達成推廣心願,「好開心有套屬於排球嘅戲,我收到好多message,有啲打開排球好想打番,有啲係冇打過好想學排球,呢個係我好想做到嘅嘢。」

  Stephy想跟王子煲劇的心願,原來亦悄悄實現了,「唔話畀你哋知!哈哈!(悄悄地)都係嘅。(佢嚟咗香港呀?)秘密地,呢啲唔好洩漏太多啦!走咗成年先話畀你哋知!」承認叉吓電好,「咁都真係要見一見嘅,唔係都唔記得咗佢啦!」問下次到她飛?她笑言:「除非去做嘢,搵啲嘢去台灣做先,哈哈!」

  雖然《男排》成功,但Stephy不贊成拍續集,原班人馬再合作則非常支持,「寫嘅時候冇諗過,夾硬再寫多條線唔係嗰樣嘢,但可以玩啲番外篇。」提到Edan(呂爵安)同《頭條》爆搵過她做MV女主角,而她話「畀得起錢就得」,「哈哈!講笑啫!價錢面議。」她直言跟「力圖」球員已拍出感情,「我真係當咗佢哋係學生或者細佬,好屋企人感覺,就算佢哋個人出歌都會好關注,想佢哋好同進步,當咗師徒關係。」新一年仲想仿效台灣搞個明星運動會,「有好多藝人都鍾意運動,我哋可以玩,同埋推廣吓健康運動好適合。」


hd