笑談Kenny傳有「新歡」 張敬軒:我哋係出生入死戰友

  張敬軒昨日出席網上理財分享會時,談到好友關智斌(Kenny)被指有「靚仔新歡」一事,軒仔就笑稱與Kenny仍然有「好多重關係」!

  張敬軒昨日受訪時,談到好友關智斌(Kenny)被指身邊出現「靚仔新歡」Edwin Pun,軒仔稱和Kenny日前在公司團年飯見過面,笑言爆料有錢收「早知我都爆啲獨家猛料。(你認識Edwin?)我哋身邊有咁多朋友,點會識得晒,娛樂新聞睇完得啖笑,最緊要大家生活愉快,身體健康!」

  問到是否與Kenny關係轉淡?軒仔反問道:「何來淡呢?我哋有好多重關係,響公司係同事,私人層面就係出生入死嘅戰友,經常會通電話傾工作同新安排,我仲叫咗個音樂品牌幫佢做歌。」


hd