順產第三胎又係仔 41歲胡杏兒宣佈封肚

  已育有兩子的胡杏兒昨日宣佈,第3位兒子李奕宏(Liam)已於日前出世,體重逾8磅屬巨B,她覺得Liam的樣貌是兩位哥哥的混合體,並宣佈「封肚」!

  胡杏兒昨日特別選在13時14分,於網絡平台公佈喜訊,並透過錄音訊息回應傳媒提問及分享喜悅,「多謝大家祝福,BB喺復活節前已經出咗世,因為都係第三個啦,所以都係好忙,等佢返咗屋企先同大家公佈,佢都好重,無諗過佢咁重,佢都8磅幾,係順產嘅,生佢都有少少辛苦,因為佢好大隻。」



  現年41歲的杏兒透露初生幼子取名李奕宏(Liam),「其實都係爸爸改,今次老公都可以入到產房陪我,一切都順利。我覺得BB似哥哥同二哥哥嘅混合體。」再為人父的杏兒老公李乘德亦於社交網上載手持BB籃的照片,並留言透露兒子在剛過去的周末出世,重8.4磅,英文名Liam是愛爾蘭人名字,意思跟隨兄弟們足跡,還有「堅決保護者」的意思,中文名則隨族譜「奕」字輩,而杏兒和BB已回家休養。

  提到在13時14分(一生一世)公佈喜訊,杏兒笑說:「呢個唔係佢出世時間。總之希望佢健康快樂,我諗都要收山喇,都三個、要時間去照顧、陪伴、教導,其實男女都無所謂,最緊要健康。兩個哥哥見到弟弟都好開心,覺得好新奇,又爭住錫佢睇佢,o依家BB都好乖,好易湊,多謝大家關心。」


hd