RubberBand紅館騷落幕 6號泥鯭為香港人打氣

  一連四場《RubberBand Ciao 2021》紅館演唱會前晚尾場,田蕊妮、許廷鏗、卓韻芝及老公現身捧場。當主音6號逐個送別樂手時,感觸落淚,及至獻唱最後一首歌《Ciao》再度爆喊,場面感人!

  前晚輪到泥鯭Solo,他自嘲年紀大,想好好記住當晚的畫面,未知會否有下次,故採用「流水式打招呼」。他說:「走吓一個,走吓一個,跟個騷一樣沉重,但諗真啲其實不沉重,至少我們仍生勾勾,仍有親友及同路人互相扶持.....當大家明天回歸正常生活,其實香港冇乜正常生活,冇乜正常,也要懷着珍重的心去迎接每一次聚首。」當他高呼:「香港人」時,觀眾接力說:「加油!」而6號獻唱《發現號》後亦大叫:「香港人加油!」

  受訪時,6號直認唱《Ciao》時想起天上的媽咪;阿偉則大讚6號叻仔,以往一場喊幾次,今次四場騷才合共喊了幾次。雖然個唱叫好叫座,但RubberBand未有時間思考開Part 2,現階段最想休息及食雞煲。


hd