廁所求婚成功 洪永城今年娶梁諾妍

  洪永城(Tony)與梁諾妍(Inez)拍拖三年有情人終成眷屬!昨公開戶外運動風格婚照宣佈:「願餘生一起笑住過!」早在農曆年後已求婚成功的Tony揚言「是我的福氣」。Inez則爆在廁所被求婚的搞笑過程。

  洪永城與梁諾妍在社交網晒婚照報喜,Tony向傳媒透露:「今年過完農曆新年後,我已向Inez求婚,之後我開始籌備監製電視劇,Inez就專注健身中心搬店和拍攝節目,我們o依家籌備婚禮,會在今年內舉行。」



  Inez踢爆Tony求婚過程搞笑又感人,過程令她笑到哭,「有晚佢拍完嘢返屋企就入廁所一陣再出嚟,跟住到我入去,當我打開廁所門,原來佢佈置咗一個攝錄機,喺洗手盆度放咗微型燈泡又有一束鮮花,鏡上貼咗心型卡寫「MARRY ME?」好笑又感動!我問點解要喺洗手間求婚?佢話知道我一定會去洗手間,最好笑係佢拎隻戒指出嚟求婚時,我話我真係好急,你等一等我去完廁所先,結果佢要等我辦完大事再求婚,我就Say Yes!」

  與Tony識於微時的黃翠如早知婚訊,感動說終於見證他長大,笑言:「叫佢10年前欠我嗰500蚊快d還畀我,如果唔係唔打隻金豬畀佢!」


hd