多謝阿儀 《造星IV》入唔到圍 「巨胸黃智雯」姚琰欣 減20磅縮胸選亞姐

 亞姐今年爆出極品參賽者薛影儀,獲網民推為「女神」即被亞視羅致成為「亞視一姐」,令沉寂多時的亞姐即時升溫,入圍大熱佳麗7號「巨胸黃智雯」姚琰欣(Bonnie)亦認為阿儀幫手炒熱亞姐。向來憑36E走性感路線的Bonnie,其實一心想參加《全民造星IV》,更為比賽激減20多磅,不惜大胸縮水變35D,但面試失敗轉戰亞姐,Bonnie話對於在亞姐能否攞獎唔緊要,只想靠選美成功轉型,唔使單靠行性感發展。

出名身材好的Bonnie,毅然參加比賽就是不想只行性感,「我被定型係性感,拍嘅戲都係性感,所有人打嚟第一句,做咩角色呀?性感親熱戲,每次收到呢啲call,由好興奮到又係拍呢啲呀!所以我諗住參加亞姐、《造星》令到人覺得我有其他嘅一面,唔係淨係搵我拍啲好性感,或者要裸露嘅戲。」



想攞「完美體態獎」

Bonnie半年前已積極減肥打算參加《全民造星IV》,更搵埋好姊妹黃榕做伴齊練舞學唱歌,可惜她以黎明的《我的親愛》和跳Black Pink歌曲參加面試未能入圍,不過她不像黃榕失望到爆喊,「都預咗自己未必會入圍,面試完起碼有個經驗,再有咁樣嘅面試會冇咁緊張。」之後她不想浪費勁fit狀況轉戰亞姐。

對於未能入圍亞姐的阿儀搶盡風頭,Bonnie作為參賽佳麗覺得是好事,「阿儀帶動咗個節目,因為大家都知阿儀係亞姐,所以覺得佢係幫咗亞姐多咗人睇。」至於參賽信心,她反而不睇重獎項,「我係抱住學習同埋攞經驗心態,攞唔攞獎唔緊要,贏咗自己就OK,我未參加過選美比賽,有獎就當多一個名銜,我最想攞『完美體態獎』。(上圍勁有幫助?)上圍評判未必會睇,反而覺得咁勁覺得你係專登要咁性感,同埋其他佳麗都有豐滿嘅,唔係淨係我,雖然我係最豐滿一個。」

決賽前減多10磅

講到身材,Bonnie明顯比之前瘦了兩個碼,她為參賽用兩個月由65kg地獄式減至54kg,體脂比例更由30%減至20%,成功踢走20多磅肥肉,都要多得健身教練前男友,「前度佢引領我減肥,佢話我癡肥,但係又幫我減肥,又要多謝佢又好憎佢。」

雖然上圍因減肥由36E縮到35D,但Bonnie唔介意,仲話對身材未滿意,想在9月25日決賽前多減10磅,所以除搵了Avin(陳偉成)幫助操練外,只吃雞胸及三文魚等蛋白質為主食物,少食澱粉質食物,「我想個pat pat翹啲,個大髀再瘦,同埋手臂,可能我個胸比較豐滿,要減到好瘦睇落去先冇咁橫。所以之前我食即食雞胸都有啲調味,嚟緊比賽前我食嘅雞胸係白烚雞胸,要更加地獄啲。」

撰文:杜淑霞 攝影:葉君海、沈健程

化妝:jabbiemakeup 服裝:Nami

hd