任睇No.1
  • 32º
  • 61%
  • 2022年6月25日 星期六

率商台叱咤903 DJs齊許虎年願望 阿正望為聽眾 搵到情緒出口

商台叱咤903去年9月以「轉轉轉 叱咤903 沒有時差」新口號推出新節目,以一班年青新世代「DJs」作為主打,當中有呢期好紅的阿正、「Agent. L」女友Elsie、多產填詞人奧仕卡、阿強、Woody、歪歪同阿酸。7位力捧DJ踏入虎年都各有願望,但最想在疫情下陪住聽眾解解悶,搵到情緒出口。
阿正和Elsie在19年合作叱咤903舞台劇《最好時光》認識變好友,由一齊拍網片到做埋電台拍檔主持《Bad Girl佬》,阿正形容同好姊妹拍住上感覺好幸福,而節目中兩人會大膽嘗試新嘢,不過因為疫情而打亂了不少計劃。阿正說:「本身我哋今年一齊出啲比較戇居嘅歌,亦都諗咗好多活動想搞,點知一過年個Omicron令我哋好卻步,今年點玩法可能都要邊行邊諗。不過每年開頭我哋有個小小嘅傳統,我都會幫對方定一個好乞人憎嘅目標喺節目度玩,譬如我會出Solo歌,Elsie填詞畀我唱,但佢出名中文差。」Elsie補充,「呢首歌係要派台,佢要行台,佢將第一次交咗畀我。而我要考DSE中文卷,因為我中文好差,其實邊個鍾意考試先。」
唔想同「Agent. L」合作

阿正直言虎年最想搵到姻緣,亦想嘗試拍劇,「我超級想做啲校園劇女主角隔離個friend,我極想做嗰啲八婆仔。」講到通常安排呢類角色男友都是岑珈其和肥腸這類型,她完全不介意,「珈其、肥腸都得,合作開,呢啲嘢瞌埋眼就過。」而對於有指Elsie加入商台後,有望令商台跟ViuTV有更多合作,雖然有指「Agent. L」已離職,而阿正覺得此事好搞笑,「好似國婚咁,將個番邦公主嫁過去。」Elsie認為兩台有望更多合作,但不關她跟男友事,而她也不太想跟男友合作,「同佢真係唔好,因為佢唔識背稿,試過NG Take 40次。」
寫電視劇電影劇本

主持《失眠藥》的奧仕卡認為電台節目除了帶歡樂給聽眾,還可有另一個目標,「因為電台入面都有節目係帶歡樂畀大家,我覺得唔完全以呢個做目標,如果用冷靜啲方法,同大家疏導吓情緒,或者刺激吓思考都唔錯。」本身是處境劇迷,節目亦以廣播劇為主軸的奧仕卡,虎年除了繼續填詞人工作外,都想嘗試編寫電視劇和電影劇本,「我想寫嘢嘅範圍可以喺其他層面,電視劇、電影,可以服務唔同嘅人,我鍾意寫處境劇,因為我係睇處境劇大,聽見佢哋係咁喺我面前唱《皆大歡喜》首歌,呢個係我第一套接觸嘅處境劇,因為好神奇古裝劇好少會跳出皇宮個框架,係講古代平民嘅生活。」
想做Game騷

阿強好感恩做了幾年PA,去年終於可以主持運動為主題的《強大人Get Set Go!》,「因為奧運熱出咗呢個節目,嚟緊想試吓玩遊戲節目,其實我特登喺呢個節目加咗啲遊戲入去,有體育常識問答比賽,或者同啲藝人去做運動,帶畀人開心可能係呢個時代最需要嘅嘢,當然最希望快啲疫情過去通關,跟住我可以去日本採訪,我好想食壽司,或者去唔同地方訪問唔同運動。」而Woody除了希望對住鏡頭唔再容易緊張外,新一年願望繼續想透過節目《叱咤樂壇 Brand Yourself》,跟更多不同音樂做連結,「可以搞多啲騷,當然o依家疫情影響未必有咁多呢啲機會,但係都要準備定嚟緊今年或下年,可以做啲大家想睇到嘅表演,另外都好想做Game騷,可以同同事之間有互動,又可以玩埋一份,又可以接觸多啲唔同知識。」
搞創作開騷

歪歪和阿酸主持的《二人限聚》是疫情時候衍生節目,畀寂寞都巿人圍爐取暖,兩人會為聽眾分析戀愛問題,但最搞笑是歪歪戀愛經驗成迷,而阿酸更自認A0。講到新年願望,阿酸坦言最想脫單,「長遠嚟講可以試吓啲唔同嘅嘢,譬如填吓詞,或者搞吓騷,我想有啲製成品,細細哋形式都好,當然最想其實係拍拖啦!」而歪歪同樣想有多啲創作,「我入行都係想創作,商台以廣播做基地,裏面嘅DJ用佢哋嘅創意踏咗隻腳去唔同領域,自己偶像係黃子華先生同Jan林海峰先生,佢哋共通點係好有才華,好有創意又幽默,佢哋開嘅棟篤笑我由小學開始睇,呢個係我喺廣播界嘅目標,希望自己再進步可以有自己創作,開騷唔易做到,但我會努力。」
採訪:杜杜
攝影:葉君海、張詠森 服裝:美華氏 場地:The AIR (The ONE)■阿正和Elsie除了合作主持《Bad Girl佬》,分別還主持《韓曜日》和《艾爾絲懷疑仙境》。
■阿正和Elsie除了合作主持《Bad Girl佬》,分別還主持《韓曜日》和《艾爾絲懷疑仙境》。
■奧仕卡、阿強和Woody雖然各有節目,但又會參與對方的廣播劇和玩遊戲。
■奧仕卡、阿強和Woody雖然各有節目,但又會參與對方的廣播劇和玩遊戲。
■阿正偶像DJ就是森美和小儀,能合作《早霸王》感覺好夢幻。
■阿正偶像DJ就是森美和小儀,能合作《早霸王》感覺好夢幻。
■歪歪和阿酸經常互窒,反而一齊主持特別有火花。
■歪歪和阿酸經常互窒,反而一齊主持特別有火花。
■Elsie跟ViuTV「無制限OT編集團」成員「Agent. L」(曹梓冲),拍拖多年。
■Elsie跟ViuTV「無制限OT編集團」成員「Agent. L」(曹梓冲),拍拖多年。
■叱咤903一班年青新世代DJs,希望新節目在疫情下為大家解解悶。
■叱咤903一班年青新世代DJs,希望新節目在疫情下為大家解解悶。
■阿強在《強大人Get Set Go!》,訪問不少香港運動員。
■阿強在《強大人Get Set Go!》,訪問不少香港運動員。
■《失眠藥》中的廣播劇《Last Seen!》搵來AK@MIRROR、陳穎欣、陳凱詠和洪嘉豪演出。
■《失眠藥》中的廣播劇《Last Seen!》搵來AK@MIRROR、陳穎欣、陳凱詠和洪嘉豪演出。
■歪歪和阿酸主持的《二人限聚》訪問謝安琪。
■歪歪和阿酸主持的《二人限聚》訪問謝安琪。
■《Bad Girl佬》中新搞作,阿正幫Elsie扮COLLAR的Marf。
■《Bad Girl佬》中新搞作,阿正幫Elsie扮COLLAR的Marf。

hd