任睇No.1
  • 31º
  • 64%
  • 2022年6月27日 星期一

模範離婚夫婦 食飽攬攬再幫手戴口罩 拉姑約謝賢食Tea 照顧周到

85歲謝賢(四哥)同70歲狄波拉(拉姑)離婚26年,但再見亦是好朋友,堪稱圈中離婚夫婦嘅模範。月前本報記者撞到佢哋現身主場即中環置地廣場,約埋成班好朋友,包括拉姑老公江耀城(鬍鬚Kong)及陳淑芬一家等一行十多名友人食Tea,鑑於疫情眾人未能坐同一枱(當時仍未實行二人限聚),拉姑同陳淑芬就不時遊走兩枱,睇嚟疫情都影響唔到大家敍舊呀!
四哥永不言休,一有新作都備受關注,去年上映由他主演的《殺出個黃昏》大獲好評,日前奪得香港電影評論學會最佳男演員,更首獲金像獎男主角提名同林家棟及吳鎮宇爭影帝。
四哥聽話戒口
平時不用開工的四哥生活悠閒,本報去年在淺水灣遇到他,當時只得助手陪散步兼歎啡,行動冇以前咁靈活,需要出動枴杖輔助,上梯級更差啲跌親。而呢日見四哥同拉姑用餐似乎比上次更精神,唔知係咪因為見到咁多老友在場呢?
四哥同拉姑坐埋同一枱,其間四哥不時望向樓下中庭,周圍有唔少細路奔跑,可能令四哥諗起啲孫呀!拉姑負責睇餐牌為四哥點餐,唔知四哥係咪想點佢要戒口嘅食物,拉姑都作狀拍拍枱,似係唔俾四哥叫某啲嘢食,最後四哥唯有順前妻意思點餐,即係叫人揀其實冇得揀咁啦!互動十分有趣。
拉姑貼身照顧

本身四哥同拉姑傾得興起,但老公鬍鬚Kong一到,她即讓座等老公同四哥吹水。二人一見面就打開話題,又各自指吓身上件靚衫。食到咁上下四哥先行離席,眾好友與他影大合照,四哥每行一步,拉姑都睇實兼扶實,又幫對方戴好個口罩,錫多啖先講拜拜。王力宏可能要請教吓四哥點解離婚可以咁愉快嘞。
採訪:張詠森幫戴口罩■拉姑好緊張老友四哥,不但成日扶實佢,仲幫手戴好個口罩。
幫戴口罩■拉姑好緊張老友四哥,不但成日扶實佢,仲幫手戴好個口罩。
錫錫道別■四哥臨離開餐廳,拉姑都攬一攬再錫啖先講拜拜。
錫錫道別■四哥臨離開餐廳,拉姑都攬一攬再錫啖先講拜拜。
拍照留念■雖然四哥同拉姑成日都相約敍舊,不過都要打個卡嘅,於是搵陳淑芬幫手揸機。
拍照留念■雖然四哥同拉姑成日都相約敍舊,不過都要打個卡嘅,於是搵陳淑芬幫手揸機。
有傾有講■鬍鬚Kong到場,老婆拉姑即讓位,等佢同四哥慢慢傾。
有傾有講■鬍鬚Kong到場,老婆拉姑即讓位,等佢同四哥慢慢傾。
影大合照■四哥先行離席,同眾人影大合照留念。
影大合照■四哥先行離席,同眾人影大合照留念。
首獲提名■四哥憑《殺出個黃昏》首獲金像獎最佳男主角提名。
首獲提名■四哥憑《殺出個黃昏》首獲金像獎最佳男主角提名。
提點戒口■拉姑叫四哥揀嘢食,不過最後都由拉姑話事,應該知道晒四哥有咩唔食得。
提點戒口■拉姑叫四哥揀嘢食,不過最後都由拉姑話事,應該知道晒四哥有咩唔食得。
差啲跌親■四哥去年被本報捕獲食Tea,更差啲跌親。
差啲跌親■四哥去年被本報捕獲食Tea,更差啲跌親。
有仔有女■四哥拉姑育有一仔一女:謝霆鋒及謝婷婷。
有仔有女■四哥拉姑育有一仔一女:謝霆鋒及謝婷婷。
遇第二春■拉姑同鬍鬚Kong於2000年結婚,一直非常甜蜜。
遇第二春■拉姑同鬍鬚Kong於2000年結婚,一直非常甜蜜。
永遠好友■四哥1979年迎娶拉姑,可惜於1995年宣佈離婚,但二人仍是好友。
永遠好友■四哥1979年迎娶拉姑,可惜於1995年宣佈離婚,但二人仍是好友。

hd