任睇No.1
  • 29º
  • 76%
  • 2022年6月25日 星期六

確診後「與世隔絕」唔開心 張偉文失智嚴重 老人院撼頭埋牆

張偉文今年2月確診新冠肺炎送院,一度傳出病危,幸3月底康復出院。上周一(5月9日)張偉文舉行網上演唱會,為7月20日沙田大會堂個唱補場熱身。不過,因為住院及康復期間「與世隔絕」一段長時間,據知張偉文嘅失智症愈來愈嚴重,試過喺老人院撼頭埋牆,經理人方俊話,唯一唱歌令佢記憶返晒嚟,即刻開心晒。  採訪:方騫平

69歲「靚聲王」張偉文上周舉行康復後第一個線上演唱會,雖然愈唱愈強,但受背部巨形壓瘡困擾,又痕又痛,而且出院後失智症變得嚴重咗,當晚演出前好似小朋友咁多次扭計,要經理人方俊及助手呵完又o氹,送湯兼遞上張偉文至愛嘅汽水先搞得掂。
黑住面猛話好驚

《頭條日報》現場直擊,方俊對張偉文照顧周到,綵排前先安排他「醫肚」,除送上自家炮製名貴補氣藥材湯外,仲有星洲炒米、貴妃雞等美食,不過,偉文只對湯水情有獨鍾,扭計話:「星洲炒米好油冇益,雞肉唔好食……」綵排期間再發脾氣,黑面大聲話:「好驚、有啲尷尬、死喇我一嚿雲唔記得晒啲歌詞……」方俊只好緊握佢雙手加以安撫,仲出埋汽水嚟o氹佢笑,加埋現場工作人員打氣及掌聲鼓勵,1小時嘅直播最後都能順利完成,雖然做live時張偉文依然話好驚,但就愈唱愈好,尾段演繹《戲鳳》時有埋做手,完show後亦終於有返笑容。
體重已追加25磅

對於大病初瘉後嘅表現,張偉文唔多滿意:「我唱歌梗係冇嘢啦,但我好驚喎,呢類形式演出對我係有壓力。」至於目前身體狀況,張偉文話自己冇唔舒服,唱歌運氣冇問題。方俊指張偉文出院後暴瘦咗50磅,o依家追返25磅,飲完補湯血氣好咗,至於背部嘅巨形壓瘡,因為傷口潰爛令張偉文劇痛,之前已帶佢睇皮膚專科醫生,服用抗生素治療,o依家最大問題反而係張偉文嘅失智症。
掟嘢被院友投訴

今次做直播網民力撐張偉文,但難免有負面聲音,方俊有話要說:「啱啱收到老人院電話,話偉文呢兩日思緒好混亂,除咗大力用頭撞牆及拍打牀板自殘外,更掟嘢到隔離牀被院友投訴,院方即安排佢調牀位,同時建議我快啲帶佢去醫院調藥。唉!張偉文喺疫情期間長期被困護老院及醫院,因為一段長時間少咗同外界接觸,導致精神及反應比較遲緩,今次出嚟成個人呆晒,失智症愈嚟愈嚴重,所以先安排佢做直播,等佢生活上有啲寄托,兼且訓練吓腦筋,佢最鍾意唱歌,一埋位就enjoy地唱,特別係開個唱。」加以安撫 ■綵排期間張偉文突然黑面,方俊握實佢嘅手加以安撫。
加以安撫 ■綵排期間張偉文突然黑面,方俊握實佢嘅手加以安撫。
拍肩打氣 ■方俊邊唱邊拍張偉文的肩膊打氣。
拍肩打氣 ■方俊邊唱邊拍張偉文的肩膊打氣。
送上汽水 ■最後叫助手送上張偉文最愛嘅汽水,並推他出廠小休。
送上汽水 ■最後叫助手送上張偉文最愛嘅汽水,並推他出廠小休。
大功告成 ■Online Show最終大功告成,張偉文即笑返晒,好支持偉文嘅贊助商「蟲草大王」陳恩德亦有嚟探班。
大功告成 ■Online Show最終大功告成,張偉文即笑返晒,好支持偉文嘅贊助商「蟲草大王」陳恩德亦有嚟探班。
出錢出力 ■方俊當日親自為張偉文扮靚。
出錢出力 ■方俊當日親自為張偉文扮靚。
鐵粉歡聚 ■方俊安排張偉文跟鐵粉飯聚開心吓。
鐵粉歡聚 ■方俊安排張偉文跟鐵粉飯聚開心吓。
死過翻生 ■張偉文死過翻生出院,翌日拍答謝片時要姚煒幫佢按摩。
死過翻生 ■張偉文死過翻生出院,翌日拍答謝片時要姚煒幫佢按摩。
補場演出 ■張偉文喺7月20日於沙田大會堂舉行個唱補場。
補場演出 ■張偉文喺7月20日於沙田大會堂舉行個唱補場。
開心食Tea ■當日直播前方俊先帶張偉文出外食tea,在輪椅上的張偉文要扣上安全帶。
開心食Tea ■當日直播前方俊先帶張偉文出外食tea,在輪椅上的張偉文要扣上安全帶。
愛心湯水 ■用野生當歸、黨參、北芪等煲成嘅烏雞瘦肉湯能提升血氣,方俊日日送湯水。
愛心湯水 ■用野生當歸、黨參、北芪等煲成嘅烏雞瘦肉湯能提升血氣,方俊日日送湯水。

hd