任睇No.1
  • 27º
  • 94%
  • 2022年8月18日 星期四

古天樂古巨基組公司 頭炮力捧新人 《造星III》CY未見過老闆 視Eason為目標

2020年,CY陳宗澤(前名陳澤言)參加《全民造星III》奪得第8名,當時他跟《頭條娛樂》坦認有大公司招手,不過要小心選擇,揀足兩年終簽新公司「One Cool ChillGOOD」正式出道,公司據指是古天樂及古巨基所成立。一向直腸直肚的CY笑言冇接觸過兩位老闆,但覺得公司讓他用回真名,又承諾年底幫他開騷,覺得公司好有愛。CY又以偶像陳奕迅為目標,開世界巡唱,古巨基聽到唔知會唔會好心傷呢? 採訪:杜杜 攝影:沈健程 造型:Anthony Tong、Ivan Wong 髮型:caty@artifyLab 化妝:@wi11wongofficial 服裝:Vo-yage 場地:Finest Design Nest

CY參加《造星III》前,在尖沙咀酒廊任職Bartender,當時曾參加酒廊舉行的歌唱比賽奪冠並簽約經理人,直到打入《造星III》十強後才解約,由姑姐暫代經理人一職。當時本報已收到風有多間公司向他招手,當時CY亦承認當中有大公司,更表示,「我對呢行真係唔熟,突然有啲公司話想簽你,我個人好棹忌簽約嗰啲嘢,會清楚了解晒所有嘢先至落決定。」
年尾有機開演唱會

做了兩年多獨立歌手,CY承認過程好艱難,「由零到參加《造星III》,好多嘢冇支援,原來姑姐一路有同o依間公司接洽,互相溝通時慢慢改變咗我某啲諗法,而大家嘅諗法亦好相近,例如公司贊成我用返自己個名陳宗澤,想呈現返最真實嘅自己出嚟,覺得公司好有愛。」另外,公司亦有實質計劃,令到CY更有信心動筆簽約,「譬如年尾出到幾個作品嘅話,就會有個屬於我嘅live show。」

CY簽約的「One Cool ChillGOOD」由古巨基太太陳英雪(Lorraine)及古天樂經理人Ronnie成立,但外間盛傳幕後老闆其實是古巨基和古天樂,CY表示完全冇接觸過「雙古」,連電話都未講過,就連古巨基太太都鮮有聯絡,不過問到會否想跟兩人合作,他亦答得醒目:「有機會嘅話,我梗係想偷吓師啦!」
對攞新人獎睇得淡

正式出道的CY,自言跟兩年前參加《造星III》時相比有進步,但都只是剛合格,「如果我用o依家標準,《造星》直頭唔合格,o依家都係進步咗啲啲,50幾分咁,哈哈!自己多嘢講咗,因為以前我好跳嘅,成日講講吓唔知講咗去邊。」對於如何在一眾新人中突圍而出,CY卻沒多想,「我又冇諗比較呢啲嘢,大家都係新人,一齊進步啦。」對於獎項他亦睇得好淡,「我覺得最緊要係做好自己啲歌先。」不過講到奮鬥目標他就好清晰,「我希望他朝一日好似Eason(陳奕迅)咁就好嘞!不過真係太遙遠,想好似佢咁開到巡迴演唱會,喺世界各地都可以留低我嘅足跡。」■古天樂和古巨基由訓練班開始已經老友鬼鬼,現在更合作捧新人。
■古天樂和古巨基由訓練班開始已經老友鬼鬼,現在更合作捧新人。
■《神經刀》幕後製作班底強勁,由吳林峰作曲、黃偉文填詞、王雙駿監製及編曲。
■《神經刀》幕後製作班底強勁,由吳林峰作曲、黃偉文填詞、王雙駿監製及編曲。
■《神經刀》MV製作團隊由張蚊夥拍Veronica Bassetto聯合執導,陳苡臻任女主角。
■《神經刀》MV製作團隊由張蚊夥拍Veronica Bassetto聯合執導,陳苡臻任女主角。
■《造星III》導師彭秀慧賜CY「神經刀」之名,CY很尊敬對方,新MV亦第一時間給對方睇,「不過佢講笑話叫《神經刀》,點解唔搵佢拍。」
■《造星III》導師彭秀慧賜CY「神經刀」之名,CY很尊敬對方,新MV亦第一時間給對方睇,「不過佢講笑話叫《神經刀》,點解唔搵佢拍。」
■CY參加《造星III》,雖是獨立歌手,仍吸納了不少粉絲。
■CY參加《造星III》,雖是獨立歌手,仍吸納了不少粉絲。
■去年,CY以獨立歌手身份,跟前輩關心妍推出合唱歌《腍》。
■去年,CY以獨立歌手身份,跟前輩關心妍推出合唱歌《腍》。
■CY坦承《神經刀》絕對是他的寫照,曾是個不懂表達及好自我保護的人。
■CY坦承《神經刀》絕對是他的寫照,曾是個不懂表達及好自我保護的人。
■記者搵來同期出歌的「造星戰友」黃劍文拍片鼓勵 CY,他睇完好感觸話:「如果佢喺身邊更好。」
■記者搵來同期出歌的「造星戰友」黃劍文拍片鼓勵 CY,他睇完好感觸話:「如果佢喺身邊更好。」

hd