保險女神性感照惹熱議 力爭上游望早日自由

早前友邦（1299）一名靚女保險經紀曾寶兒（Boyi）因上載一張終極性感照而爆紅，但同時惹來部份同行抨擊。性感背後其實她目標明確，「保險業最吸引我是收入無上限，盡早換取時間及財富自由」。

她稱，現時50%新單都是經現有客戶介紹的新客，認為最重要是增值自己，清楚了解產品，才能為客度身訂做適合的保險產品，「我一年喺IG（Instagram）出8000個同保險相關嘅story，全行無人好似我出咁多帖文。我真係全心投入喺呢行，唔使怕變『孤兒單』」。
強調平日工作衣着得體

自從性感照引來花生後，她私人IG 3日內增加2500個粉絲，至今每日有約20個私訊，雖然偶有負面留言，但當中亦有人想向她了解保險產品，甚至吸引同行想跟她「搵食」。她強調平日工作衣着得體，性感照只放在私人IG，公司並無責難她，甚至上司亦開腔維護她，「保險業最吸引係收入無上限，可以靠自己努力，而且做保險就係想要自由，包括時間同財富自由，咁平日點解又要咁多（衣着）限制呢？」