中環IFC外望——保利物業logo竟似民建聯

　　女性平日出門，發現與其他人「撞衫」，難免會覺得尷尬，但如果公司或團體的標誌相似，變成「撞LOGO」，唔知又會唔會出現尷尬的情況？本港近日一間即將上市的公司——保利物業嘅公司標誌睇落就好眼熟，細看發現竟然與本港政黨的標誌雷同，呢種「撞LOGO」的偶然事件實屬少見。不過仔細觀察，保利物業嘅標誌雖然望落同民建聯嘅標誌差唔多，但保利嘅外圍係「D」，中間包含一個「P」，而民建聯嘅標誌中間係「B」，內在包含的字母有所區別。

　　其實保利系公司嘅標誌，一直以來都差唔多係呢個樣，保利物業嘅英文名係「POLY PROPERTY DEVELOPMENT」，縮寫開頭唔係「P」就係「D」，所以標誌使用自己嘅縮寫字母亦無可厚非。不過，如果設計師肯多花心思，諗下其他款式的構圖，就唔怕咁易混淆啦。

市民看淡樓市比例下跌

　　花旗銀行公佈，第4季市民置業意向調查結果，當中顯示有近半成受訪者預期，樓價將在未來12個月下跌，較上一季顯著下跌；有逾半數受訪者對置業不感興趣，比例則較上一季上升。

　　調查結果指，46%受訪者認為香港樓價將在未來12個月下跌，較上季下跌10個百分點；而認為香港樓價將在未來12個月上升或維持平穩的受訪者比例，則較上季上升，反映整體看淡樓市的受訪者比例下跌。

　　結果亦顯示，於第四季，60%受訪者認為現時並非置業理想時機，較上季下跌8個百分點；57%受訪者表示現時對置業非常不感興趣或頗不感興趣，較上季上升6個百分點；16%受訪者表示對置業持高度興趣，比例較上季輕微下跌4%。

高瞻