中環IFC外望——貴州銀行「嗱嗱臨」趕年底前上市

  市況疲弱,令12月招股嘅公司可謂寥寥可數。不過,最近就有隻貴州銀行極速趕搭「尾班車」,由今個禮拜一(9日)遞交上市申請文件,禮拜二(10日)通過上市聆訊,聽日就話要開上市招股新聞發布會,成個過程係短短一星期之內完成,真係可以用「電光火石」嚟形容。

  其實呢家貴州銀行係今年六月份就已經遞交過上市申請,但之後文件失效,所以係今個禮拜一再重新遞交。另外,通常新股申請文件中使用嘅會計數據有效期只可以維持半年,而貴州銀行遞交嘅係截至今年6月30日的會計數據,所以如果唔想因為數據過期,而要重新俾錢統計新會計數據,當然就要「嗱嗱臨」趕於年底前上市。

  其實呢種「閃電戰」都唔係第一次見,早前「喪」炒嘅新股魯大師(3601)同樣都係第二次遞交上市,交表後無幾日就話開始招股,睇嚟只要做足工夫,上市都可以做到咁有效率。

  踏入年尾,唔少投資公司都已經開始收緊算盤,想要係年尾上市融資嘅公司就要「快手」啦。

天星銀行竟已有偽冒網站

  尚乘及小米(1810)合資的虛擬銀行天星銀行,提醒公眾慎防一個域址為「airstarbltd.com」的偽冒網站,以及由此域址發出的電郵要求向第三方戶口滙款、提供個人及其他敏感資料或致電該電郵內所述的電話。

  天星銀行指出,「airstarbltd.com」並非屬於該行所擁有。該行不會透過語音訊息系統要求客戶提供個人資料;或發送電郵或短訊要求客戶提供天星銀行網上用戶帳號名稱及密碼,其他類型的密碼/個人識別碼或其他敏感資料。

  該行已通知金管局及警務處有關此偽冒網站及電郵事件。

高瞻

hd