中環IFCN外望——前世情人出嫁 「卡王」一滴眼淚都無

        向有「卡王」之稱的梁永祥喺去年最後一日,就正式卸任尚未開張的虛擬銀行—匯立銀行CEO之職,再次退休。雖然退休,但其實佢都好忙,第一炮就係忙着嫁女,榮升外父。有人話女兒係父親的前世情人,好多時女兒出嫁,父親總有難拾之情,留下男兒淚。

  卡王都有人問佢嫁女當日,即係剛剛過去的星期日(1月5日),有冇喊?佢就話一滴眼淚都無流過,不之幾開心,因為交易成功,將愛女順利交付比個好女婿。呢個非常外父在婚禮上仲發揮佢嘅幽點感,同女婿講「唔好Hi花、唔好磨損、無保養、無退貨」,諗清楚制唔制先好娶佢個愛女。

  卡王就話婚禮嗰日先知呢對新人的戀愛故事,新人自爆原來兩人未夠十歲因向同一羽毛球教練學羽毛球已相識,其後男角去咗英國讀書就無再見,之後回港有個派對竟與女角重逢,跟著就開始拍拖。卡王嫁女咁開心,更係大搞,喺Rosewood酒店舉行婚宴,攞左47圍酒,出席嘉賓不乏有頭有面嘅人,據講政務司司長張建宗都有出席致辭,其他嘉賓有鄭慕智、呂耀華、趙國雄、馮孝忠、張耀堂等,當然唔少得前老闆WeLab創辦人龍沛智喇!

馬雲妙答裁員:為社會輸送人才

        近年經濟發展增速放緩,唔少企業都難以「圍皮」,紛紛裁員,連喺內地路人皆知嘅阿里巴巴(9988)亦都唔例外。不過創始人馬雲係回應裁員傳聞嘅時候指:「這兩天和我講的最多的事情是,別人裁員都是直接裁,阿里巴巴裁員就是向中國輸送1000個人。」

        他其後更加解釋,如果無獨立思考嘅人,就會認為裁員只係裁員,但員工能夠在阿里熬過三年,非常困難,熬到十年喺阿里就是「寶貝」,要將「寶貝」往社會送出去,係因為佢哋經過阿里嚴格訓練後,對數碼經濟、執行力、管理等都超越好多其他公司,佢哋就應該去政府部門、大學等其他地方。

高瞻

hd