中環IFCN外望——羅兵咸料港零售今年跌2.5%

  在不明朗因素影響消費者及商業信心下,羅兵咸永道預計,2020年本港零售銷售總額將跌2.5%,至4200億元;2019年總零售銷售則下跌11%,至4310億元。

  該公司消費市場行業亞太區、中國內地及香港主管合夥人鄭煥然表示,由於去年上半年受高基數影響,預計2020年上半年零售銷售有雙位數跌幅。

  鄭煥然解釋,去年11月區議會選舉及聖誕假期期間,本港社會事件緩和,認為去年12月情況好轉,預計2019年總零售銷售為4310億元,按年跌11%。

  去年奢侈品市場預計錄得650億元銷售額,為2010年以來最差。鄭煥然指出,內地市場對於高消費產品需求仍大,又預期今年將發售5G手提電話,加上內地已推出5G服務,料電子產品類銷情今年會改善。

港交所連環「地震」 高層蔡羅蘭離職

        港交所(388)一個禮拜內再有管理委員會成員離任,據聞港交所交易後業務主管蔡羅蘭已經請辭,並將係今個月底正式離任。港交所回應話,一般唔對員工作評論,但確認已經通知各位同事,蔡羅蘭決定返歐洲工作,同屋企人團聚嘅消息。

  上周五港交所首次向管理委員會「開刀」,促成同倫交所「世紀聯姻」嘅推手,原戰略策劃主管霍炳光被撤換,並轉到旗下倫敦金屬交易所出任顧問。當時有報道話,呢次人事變動對霍炳光來講,可謂佢嘅人生「滑鐵盧」,因為佢對港交所行政總裁李小加來講,係有重要影響力嘅顧問。

  據聞連環「地震」陸續有來,港交所副風險總監彭景韜亦有可能請辭。蔡羅蘭曾經做過風險總監,彭景韜嘅工作同蔡羅蘭一樣,亦同風險管理有關,唔知同今次港交所連環炒人有無關係?港交所係咪要就「聯姻」失敗問責高層?港交所發言人就不多作評論。

高瞻

hd